جەلٸدە ۋكراينالىق بلوگەر مەن رەسەيدەگٸ قازاق قىزى اراسىنداعى چات-رۋلەتكاداعى كەزەكتٸ ۆيدەوسى جارييالاندى, دەپ حابارلايدى Dalanews.kz.
بلوگەر اندرەي پوپيك سامارا قالاسىنداعى ەتنيكالىق قازاق قىزىمەن بولعان ەڭگٸمەسٸن جارييا ەتتٸ. بەينەجازبادا ول 20 مينۋت بويى قازاق حالقىنىڭ ەجەلگٸ مەملەكەتٸ مەن جازۋى بولعانىن تٷسٸندٸرۋگە تىرىسادى: قازاق حاندىعى بۇرىننان بار, قالالارى مەن دامىعان مەدەنيەتٸ بولعان دەيدٸ. الايدا سۇحباتتاسۋشى ەيەل – مەكتەپ مۇعالٸمٸ بولسا دا – ٶز پٸكٸرٸنەن قايتپايدى.
– قازاقتاردىڭ ٶز مەملەكەتٸ بولماعان, بٸز – كٶشپەلٸ حالىقپىز. جازۋ دا بولماعان, باسقا تۋرالى ايتپاسا دا بولادى! ەگەر قازاق حاندىعى راسىندا بولعان بولسا, وندا سول كەزدە ورىستار قايدا جٷرگەن? ورىستار جاۋلاپ الۋشى بولدى دەيسٸز بە? ونداي بولسا دا, بەرٸبٸر – ورىستار مىقتى حالىق, وسى ۋاقىت ٸشٸندە ٷلكەن ەل, قۋاتتى مەملەكەت قۇرا الدى. مەن رەسەيدە تۇرامىن, وسىندا تۋىلدىم – بۇل مەنٸڭ وتانىم. بۇل تٸلدٸڭ بايلىعى مەن جازۋىن ەندٸ عانا بٸلٸپ, شوك بولىپ وتىرمىن, – دەدٸ ەيەل.
