كوكشەتاۋ، وسكەمەن جانە سەمەيدە جاڭا جىلۋ ەلەكتر ورتالىقتارى سالىنادى. بۇعان دەيىن الماسادام ساتقالييەۆ قارجى تارتۋداعى ەڭ ىقتيمال نۇسقا رەسەي ۇكىمەتىنەن سۋبسيديامەن نەسيە الۋ دەگەن ەدى. ءقازىر بۇل سەنارييدىڭ جۇزەگە اسۋى قيىنداي تۇسكەنى بايقالادى. ماسەلە نەدە؟ Dalanews.kz ماتەريالىندا.
رەسەي قارجىلىق قيىندىققا تاپ بولىپ وتىر ما؟
بۇگىن پرەمەر-مينيستردىڭ ورىنباسارى رومان سكليار رەسەيلىك تاراپ جابدىق بويىنشا پايىزدىق مولشەرلەمەنى سۋبسيديالاۋدا قيىندىقتارعا تاپ بولعانىن راستادى.
الايدا رومان سكليار كەلىسسوزدەر جالعاسىپ جاتقانىن، ال الدىن الا دايىندىق جۇمىستارى توقتاماعانىن ايتتى.
"رەسەي قارجى بولە الماسا، باسقا ينۆەستور تابامىز. ازىرشە الەۋەتتى قارىز بەرۋشىلەر جوق. ءبىراق بۇل ماسەلە جاقىن ارادا، ماۋسىمنىڭ سوڭىنا دەيىن شەشىلەدى دەپ ويلايمىن"، - دەدى ول.
ساراپشى سىنى
Energy Monitor قوعامدىق قورىنىڭ ديرەكتورى، ساراپشى نۇرلان جۇماعۇلوۆتىڭ سوزىنشە، رەسەي ءۇش جاڭا كومىر ەلەكتر ستانسياسىن قارجىلاندىرۋعا ءتيىس بولاتىن، ەكى جىلعا جۋىق ۋاقىت وتسە دە، ءالى "مۇلگىگەن" تىنىشتىق.
"وسى جوبالار ءۇشىن مەملەكەتارالىق كەلىسىم جوباسى دايىندالعان ەدى، ءبىراق بۇل جەردە دە قارجىلاندىرۋ ماسەلەلەرى تۋىندادى"، - دەدى ول.
جوبا تۋرالى نە بەلگىلى؟
2023 جىلى 9 قاراشادا رەسەي پرەزيدەنتى ۆلاديمير ءپۋتيننىڭ قازاقستانعا ساپارىنىڭ قورىتىندىسى بويىنشا كوكشەتاۋ، سەمەي جانە وسكەمەندە جەو سالۋ جوبالارى بويىنشا ىنتىماقتاستىق تۋرالى مەموراندۋم جاسالعان ەدى.
كەيىن دەپۋتاتتار قازاقستان مەن رەسەي ۇكىمەتتەرى اراسىندا كوكشەتاۋ، سەمەي جانە وسكەمەن قالالارىندا كومىر جاعاتىن جىلۋ ەلەكتر ورتالىقتارىن سالۋ جوبالارى جونىندەگى كەلىسىمدى راتيفيكاسيالاۋ تۋرالى زاڭ جوباسىن جۇمىسقا قابىلدادى.
كەلىسىم شەڭبەرىندە كوكشەتاۋ (بولجالدى قۋاتى 248 مۆت)، سەمەي (360 مۆت) جانە وسكەمەن (360 مۆت) قالالارىندا كومىر ءوندىرۋ نەگىزىندە جەس سالۋ جوسپارلاندى.
بۇعان دەيىن "سامۇرىق ەنەرگو" اق ديرەكتورلار كەڭەسىنىڭ مۇشەسى قايرات ماقسۇتوۆ رەسەي قازاقستاندا جىلۋ ەلەكتر ورتالىقتارىن سالۋ ءۇشىن قانشا قارجى جۇمسالۋى مۇمكىن ەكەنىن ايتتى.
"بۇل مەملەكەتتىك ساراپتامادان وتكەننەن كەيىن بەلگىلى بولادى. سمەتا بولماعان كەزدە ينديكاتيۆتى دەپ اتالاتىن قۇن بار. بولجامدى سوما - 330 ميلليارد تەڭگە، ءاربىر جەو-عا 270 ميلليارد تەڭگە جۇمسالادى"، - دەدى ول بۇعان دەيىن ۇكىمەتتىڭ باسپا ءسوز ورتالىعىندا.
