رەسەي قازاقستان مەن رەسەي اۋماعىندا بٸرقاتار بٸلٸم بەرۋ جوبالارىن ٸسكە اسىرۋدى جوسپارلاپ وتىر. بۇل تۋرالى رەسەيدٸڭ قازاقستانداعى ەلشٸسٸ الەكسەي بوروداۆكين "روسسييا 24" تەلەارناسىنا بەرگەن سۇحباتىندا مەلٸمدەدٸ, دەپ حابارلايدى Dalanews.kz.
ديپلوماتتىڭ ايتۋىنشا, گۋمانيتارلىق ىنتىماقتاستىق اياسىندا تاراز, قىزىلوردا جەنە تٷركٸستان قالالارىندا رەسەيلٸك مەكتەپتەر سالۋ كٶزدەلگەن. ال رەسەيدٸڭ ومبى, استراحان جەنە ورىنبور قالالارىندا قازاقستاندىق بٸلٸم بەرۋ ۇيىمدارىنىڭ قۇرىلىسى باستالماق. جوبا ەكٸ ەل اراسىنداعى كەلٸسٸمدەر نەگٸزٸندە جٷزەگە اسادى.
ەلشٸ بۇل باستامالاردى بٸلٸم سالاسىنداعى ٶزارا ىقپالداستىقتى كٷشەيتەتٸن ماڭىزدى قادام رەتٸندە باعالاپ, جوسپارلانعان جۇمىستاردىڭ قارقىندى جٷرگٸزٸلٸپ جاتقانىن اتاپ ٶتتٸ. سونىمەن قاتار الماتى ماڭىندا دارىندى وقۋشىلاردى قولداۋعا باعىتتالعان رەسەيلٸك "سيريۋس" بٸلٸم بەرۋ ورتالىعىنىڭ فيليالىن اشۋ جوسپارى بار.
سۇحبات بارىسىندا الەكسەي بوروداۆكين پرەزيدەنت قاسىم-جومارت توقاەۆتىڭ مەسكەۋگە جاساعان ساپارىنا دا توقتالىپ, ونى ەكٸ ەل اراسىنداعى ستراتەگييالىق ەرٸپتەستٸكتٸ نىعايتاتىن ماڭىزدى وقيعا دەپ اتادى. ونىڭ سٶزٸنشە, قابىلدانعان ستراتەگييالىق سەرٸكتەستٸك تۋرالى دەكلاراتسييا ناقتى جوبالار مەن بٸرلەسكەن باستامالاردى قامتيتىن ٸس-قيمىل جوسپارىنا اينالىپ وتىر.
بۇدان بٶلەك, اتوم ەلەكتر ستانتسيياسىن سالۋ مەسەلەسٸ تالقىلانىپ, جاقىن ۋاقىتتا تيٸستٸ قۇجاتتارعا قول قويىلىپ, رەسەي تاراپىنان مەملەكەتتٸك نەسيە رەسٸمدەرٸ اياقتالاتىنى ايتىلدى.
