Resei Qazaqstan men Resei aýmaǵynda birqatar bilim berý jobalaryn iske asyrýdy josparlap otyr. Bul týraly Reseidiń Qazaqstandaǵy elshisi Aleksei Borodavkin "Rossiia 24" telearnasyna bergen suhbatynda málimdedi, dep habarlaidy Dalanews.kz.
Diplomattyń aitýynsha, gýmanitarlyq yntymaqtastyq aiasynda Taraz, Qyzylorda jáne Túrkistan qalalarynda reseilik mektepter salý kózdelgen. Al Reseidiń Omby, Astrahan jáne Orynbor qalalarynda qazaqstandyq bilim berý uiymdarynyń qurylysy bastalmaq. Joba eki el arasyndaǵy kelisimder negizinde júzege asady.
Elshi bul bastamalardy bilim salasyndaǵy ózara yqpaldastyqty kúsheitetin mańyzdy qadam retinde baǵalap, josparlanǵan jumystardyń qarqyndy júrgizilip jatqanyn atap ótti. Sonymen qatar Almaty mańynda daryndy oqýshylardy qoldaýǵa baǵyttalǵan reseilik "Siriýs" bilim berý ortalyǵynyń filialyn ashý jospary bar.
Suhbat barysynda Aleksei Borodavkin Prezident Qasym-Jomart Toqaevtyń Máskeýge jasaǵan saparyna da toqtalyp, ony eki el arasyndaǵy strategiialyq áriptestikti nyǵaitatyn mańyzdy oqiǵa dep atady. Onyń sózinshe, qabyldanǵan strategiialyq seriktestik týraly deklaratsiia naqty jobalar men birlesken bastamalardy qamtityn is-qimyl josparyna ainalyp otyr.
Budan bólek, atom elektr stantsiiasyn salý máselesi talqylanyp, jaqyn ýaqytta tiisti qujattarǵa qol qoiylyp, Resei tarapynan memlekettik nesie rásimderi aiaqtalatyny aityldy.
