– رەسەي ەسكەرٸ ۋكرايناعا باسا-كٶكتەپ كٸرەردەن 1 كٷن بۇرىن, 22 اقپاندا سادىر جاپاروۆ فەيسبۋكتەگٸ پاراقشاسىندا ەلەڭ ەتكٸزگەن پوست جارييالادى. وندا ول بٸر جاعىنان, تاراپتاردى بٸتٸمگە كەلۋگە, جاعدايدى تەك بەيبٸت, ديپلوماتييالىق جولمەن شەشۋگە شاقىردى.
ەكٸنشٸ جاعىنان, دونباسستىڭ جۇرتشىلىعىن قورعاۋ ٷشٸن ەسكەري وپەراتسييا جٷرگٸزۋدٸ اقتاعانداي پٸكٸر بٸلدٸردٸ ("ۆوزموجنو, ەتو بىلا ۆىنۋجدەننايا مەرا دليا زاششيتى ميرنوگو ناسەلەنييا تەرريتوريي دونباسسا, گدە پروجيۆاەت بولشوە كوليچەستۆو روسسييسكيح گراجدان").
مەنٸڭ ويىمشا, سول كەزدە ول بٷكٸل ۋكراينانى تەز جاۋلاپ الۋعا رەسەيدٸڭ كٷش-قۋاتى ارتىعىمەن جەتەدٸ, سوندىقتان بۇل جاعداي تەز تىنىشتالادى دەپ ەسەپتەسە كەرەك. دەمەك مەسكەۋدٸڭ قىرىنا ٸلٸكپەۋ ٷشٸن ونى جاقتاپ تا سٶيلەپ قويعان جٶن دەگەن بايلامعا كەلگەنگە ۇقسايدى.
بٸراق كرەملدٸڭ كٶزدەگەنٸ بولمادى. ۋكراينا حالقى ەكٸ اپتادان ارتىق ۋاقىتتان بەرٸ دۇشپانعا قارسى جانقييارلىقپەن شايقاسۋدا. رەسەيدٸڭ ادام جەنە ەسكەري تەحنيكا شىعىنى ەندٸ الاپات. كرەملدٸڭ بەدەلٸ تٷسە باستادى, رف ەكونوميكاسى ٶزگەگە كٶمەكتەسپەك تٷگٸل, ٶزٸن قورعاي المايتىن حەلگە جەتتٸ.
بٷكٸل ەلەم رەسەيدەن تەرٸس اينالۋدا. وسىعان وراي بٸزدٸڭ باسشىلاردىڭ دا باسى قاتتى. بۇل جاعدايدا نە ٸستەۋ كەرەك? بەلكٸم, رەسەيدٸ تاستاپ كەتكەن جٶن بولار? مەسكەۋمەن دوستىقتان باس تارتۋعا تۋرا كەلۋٸ مٷمكٸن.
ەندٸگٸ مەسەلە – تىم كەش بولىپ قالماۋى ٷشٸن ونى قاي كەزدە جاساعان جٶن? قازٸر بٷكٸل ورتالىق ازييا ەلدەرٸ ٷشٸن ەڭ ماڭىزدىسى – قازاق ەلٸنٸڭ ەرٸ قاراي ٶزٸن قالاي ۇستايتىنى. ايماقتاعى بارلىق رەسپۋبليكالار اراسىندا ەڭ قاۋٸپتٸ جاعدايدا قالعانى – قازاقستان.
سەبەبٸ ول – ورتالىق ازيياداعى رەسەيمەن شەكتەسەتٸن جالعىز مەملەكەت. ونىڭ رەسەيمەن قۇرلىقتاعى شەكاراسى – ەلەمدەگٸ ەڭ ۇزاق شەكارا. بۇل رەتتە ونىڭ سولتٷستٸگٸندە سەپاراتيستٸك كٶڭٸل-كٷيلەر بايقالادى.
مۇنداي قاۋٸپ ەسٸرەسە, 90-شى جىلدارى ٶتە زور بولاتىن. ونى ازايتۋ ٷشٸن قازاقستان باسشىلىعى ەل استاناسىن وڭتٷستٸگٸنەن سولتٷستٸگٸنە قاراي كٶشٸردٸ. نەتيجەسٸندە, ەلدٸڭ ورتالىعى مەن سولتٷستٸك وبلىستارىنداعى رەسەيشٸل كٷشتەر ايتارلىقتاي ازايدى. ەيتكەنمەن قاۋٸپ ساقتالۋدا.
ول قاۋٸپتٸ سەيٸلتۋ ٷشٸن مەملەكەت ەل بٸرلٸگٸن كٷشەيتۋگە جەنە سولتٷستٸك ٶڭٸرلەرگە قازاعى قالىڭ وڭتٷستٸكتەگٸ حالىقتى كٶشٸرۋگە كٷش سالىپ جاتقانى مەلٸم.
بۇعان قوسا الىپ مۇحيتتار مەن تەڭٸزدەرگە شىعا المايتىن قازاقستان ەكونوميكالىق تۇرعىدان رەسەيگە تەۋەلدٸ. وسى جەنە باسقا دا فاكتورلار قازاقستاندى مەسكەۋمەن شەكٸسۋدەن اياق تارتۋعا يتەرمەلەيدٸ.
