رەسەي فەدەراتسيياسى قازاقستاننان جەتكٸزٸلگەن ٸرٸ كٶلەمدەگٸ ازىق-تٷلٸك ٶنٸمدەرٸن شەكارادا ٶتكٸزبەي, كەرٸ قايتاردى, دەپ حابارلايدى Dala News.
رەسەيدٸڭ ۆەتەرينارلىق جەنە فيتوسانيتارلىق باقىلاۋ قىزمەتٸنٸڭ ۋرال ٶڭٸرارالىق باسقارماسىنىڭ مەلٸمەتٸنشە, 2026 جىلعى 13-19 سەۋٸر ارالىعىندا چەليابٸ وبلىسىنداعى قازاقستانمەن شەكارالاس «بۋگريستوە» جەنە «نيكولاەۆكا» اۆتوموبيلدٸك ٶتكٸزۋ بەكەتتەرٸندە تەۋلٸك بويى باقىلاۋ جٷرگٸزٸلگەن.
تەكسەرۋ نەتيجەسٸندە قازاقستاننان رەسەيگە باعىتتالعان جانۋار تەكتەس ٶنٸمدەردٸڭ ٸرٸ پارتيياسى تالاپتارعا سەيكەس كەلمەيتٸنٸ انىقتالعان. اتاپ ايتقاندا, 12 جٷك كٶلٸگٸمەن تاسىمالدانعان جالپى سالماعى 279,3 توننا بولاتىن بالمۇزداق پەن يوگۋرت تۇراقتاندىرعىشى ەل اۋماعىنا كٸرگٸزٸلمەگەن.
ينسپەكتورلاردىڭ ايتۋىنشا, نەگٸزگٸ سەبەپ – ۆەتەرينارلىق ٸلەسپە قۇجاتتارداعى ولقىلىقتار. قۇجاتتاردا ٶنٸمنٸڭ ناقتى قاي ٶندٸرٸس ورنىنان شىققانى كٶرسەتٸلمەگەن. بۇل ٶنٸمنٸڭ تولىق قاداعالانۋىن, ياعني ونىڭ شىعۋ تەگٸ مەن قاۋٸپسٸزدٸگٸن باقىلاۋدى مٷمكٸن ەمەس ەتەدٸ. وسىعان بايلانىستى جٷك رەسەي اۋماعىنا جٸبەرٸلمەي, كەرٸ قايتارىلعان.
سونىمەن قاتار سول كەزەڭدە ٶزبەكستاننان جەتكٸزٸلگەن 1 728 ارا پاكەتٸ دە رەسەيگە كٸرگٸزٸلمەگەن. بۇل جاعدايدا دا ۆەتەرينارلىق قۇجاتتار تالاپتارعا ساي بولماعانى انىقتالعان.
بۇدان بٶلەك, كەرٸ باعىتتاعى تاسىمالداۋدا دا زاڭبۇزۋشىلىقتار تٸركەلگەن. رەسەيدەن قازاقستانعا جٶنەلتٸلگەن 2,5 توننا مۇزداتىلعان تەڭٸز بالىعى شەكارادا توقتاتىلعان. تەكسەرۋ بارىسىندا بۇل ٶنٸمدٸ جٶنەلتكەن كەسٸپورىنداردىڭ ەۋرازييالىق ەكونوميكالىق وداقتىڭ تيٸستٸ رەەسترٸنە ەنگٸزٸلمەگەنٸ بەلگٸلٸ بولعان. ياعني, ولار مۇنداي ٶنٸمدٸ ەكسپورتتاۋعا قۇقىعى جوق بولىپ شىققان. وسىعان بايلانىستى جٷك زاڭ تالاپتارىنا سەيكەس كەرٸ قايتارىلعان.
رەسەي تاراپى مۇنداي شارالار ٶنٸم قاۋٸپسٸزدٸگٸن قامتاماسىز ەتۋ جەنە ۆەتەرينارلىق تالاپتاردىڭ ساقتالۋىن باقىلاۋ ماقساتىندا قابىلداناتىنىن اتاپ ٶتتٸ.
ايتا كەتەيٸك, ەۋرازييالىق ەكونوميكالىق وداق اياسىندا ازىق-تٷلٸك ٶنٸمدەرٸن تاسىمالداۋ كەزٸندە ٶنٸمنٸڭ شىعۋ تەگٸ, قاۋٸپسٸزدٸگٸ جەنە ٶندٸرۋشٸ كەسٸپورىن تۋرالى تولىق ەرٸ ناقتى اقپاراتتىڭ بولۋى مٸندەتتٸ تالاپ بولىپ سانالادى. قۇجاتتاعى كەز كەلگەن سەيكەسسٸزدٸك ٶنٸمنٸڭ شەكارادان ٶتپەۋٸنە نەگٸز بولا الادى.
