رەسەيمەن شەكارادا جٷك كٶلٸكتەرٸنٸڭ ۇزىن-سونار كەزەگٸ قايتا پايدا بولدى

باتىس قازاقستان وبلىسىنداعى رەسەيمەن شەكارادا جٷك كٶلٸكتەرٸنٸڭ ۇزىن-سونار كەزەگٸ قايتا پايدا بولدى, دەپ حابارلايدى dalanews.kz.

بقو بويىنشا مەملەكەتتٸك كٸرٸستەر دەپارتامەنتٸ Kazinform اگەنتتٸگٸنە بۇل اقپاراتتى راستادى. ۆەدومستۆونىڭ مەلٸمەتٸنشە, قازاقستاننان رەسەيگە بەت العان جٷك كٶلٸكتەرٸنٸڭ سانى كەيٸنگٸ كٷندەرٸ ايتارلىقتاي ارتقان.

مامانداردىڭ ايتۋىنشا, كەپتەلٸسكە ەڭ الدىمەن كٶكٶنٸس ٶنٸمدەرٸن ەكسپورتتايتىن كٶلٸكتەردٸڭ ماۋسىمدىق ارتۋى ەسەر ەتٸپ وتىر. سونىمەن قاتار, رەسەي تاراپىنداعى ٶتكٸزۋ بەكەتٸنٸڭ ٶتكٸزۋ مٷمكٸندٸگٸ شەكتەۋلٸ. قولدانىستاعى تالاپقا سەيكەس, شەكارادان ساعاتىنا نەبەرٸ 25 جٷك كٶلٸگٸ, ال تەۋلٸگٸنە 500-دەن اسپايتىن كٶلٸك ٶتكٸزٸلەدٸ.

وعان قوسا, قازٸرگٸ ۋاقىتتا "سىرىم" اۆتوموبيل ٶتكٸزۋ بەكەتٸندە قايتا جاڭعىرتۋ جۇمىستارى جٷرگٸزٸلۋدە.

"مەردٸگەر ۇيىم قازاقستانعا كٸرەتٸن باعىتتاعى ەكٸ جولاقتى ۋاقىتشا جابۋدى جوسپارلاپ وتىر. وسىعان بايلانىستى كٶلٸكتەر ەكٸ باعىتتا دا قازاقستاننان شىعۋعا ارنالعان بٸر جولاق ارقىلى ٶتكٸزٸلەدٸ. سونىڭ نەتيجەسٸندە ٶتكٸزۋ بەكەتٸنٸڭ جۇمىس اۋماعى 7 گەكتاردان 1,5 گەكتارعا دەيٸن قىسقارادى", – دەپ حابارلادى مەملەكەتتٸك كٸرٸستەر دەپارتامەنتٸ.

ۆەدومستۆو جٶندەۋ جۇمىستارىنىڭ دا كٶلٸكتەردٸڭ شەكارادان ٶتۋ ۋاقىتىن ۇزارتىپ, كەزەكتٸڭ ارتۋىنا ىقپال ەتۋٸ مٷمكٸن ەكەنٸن اتاپ ٶتتٸ.