رەسەيدە بايقالىپ وتىرعان جانارماي تاپشىلىعى قازاقستاننىڭ ٸشكٸ نارىعىنا دا ەسەر ەتۋٸ مٷمكٸن. ەكونوميست ارمان بايعانوۆ كٶرشٸ ەلدەگٸ احۋالدىڭ سالدارى تۋرالى ايتتى, دەپ حابارلايدى dalanews.kz.
ساراپشىنىڭ پٸكٸرٸنشە, قازاقستان قازٸرگٸ تاڭدا ٸشكٸ نارىقتى جانارمايمەن قامتاماسىز ەتۋگە قاۋقارلى بولعانىمەن, باعا ايىرماشىلىعىنىڭ تىم جوعارى بولۋى تەۋەكەلدەردٸ كٷشەيتٸپ وتىر.
“قازاقستان مەن رەسەي اراسىندا ەۋرازييالىق ەكونوميكالىق وداق اياسىندا ورتاق ەكونوميكالىق كەڭٸستٸك قالىپتاسقان. سونىمەن قاتار ەكٸ ەلدٸڭ شەكاراسى ٶتە ۇزىن. سوندىقتان جانارمايدىڭ زاڭسىز تاسىمالىن تولىق باقىلاۋ قيىن. قازٸر قازاقستانداعى جانارماي باعاسى رەسەيمەن سالىستىرعاندا ايتارلىقتاي ارزان. كەيبٸر جاعدايدا ايىرماشىلىق 50-70 پايىزعا دەيٸن جەتەدٸ. بۇل ٶز كەزەگٸندە بەنزين مەن ديزەلدٸ كٶرشٸ ەلگە شىعارۋعا ىنتالاندىرادى”, – دەيدٸ ەكونوميست.
ونىڭ ايتۋىنشا, رەسەي ەكونوميكاسىنىڭ اۋقىمى قازاقستاننان بٸرنەشە ەسە ٷلكەن بولعاندىقتان, جانارماي اعىنىنىڭ باقىلاۋسىز كەتۋٸ ٸشكٸ نارىقتاعى تاپشىلىققا ەكەلۋٸ مٷمكٸن.
“ەگەر كونتراباندالىق جولدار نەمەسە ٶزگە دە زاڭسىز تاسىمال ارنالارى ساقتالسا, مۇنى تولىق باقىلاۋ ٶتە قيىن بولادى. سوندىقتان باعا ايىرماشىلىعىن ازايتۋ قاجەت. ۇزاق مەرزٸمدە قازاقستان جانارمايدىڭ بوساتۋ باعاسىن بٸرتٸندەپ كٶتەرۋگە مەجبٷر بولۋى مٷمكٸن. ەيتپەسە ٸشكٸ نارىقتا تاپشىلىق قاۋپٸ كٷشەيەدٸ”, – دەدٸ ول.
ساراپشىنىڭ سٶزٸنشە, مۇنداي قادامنىڭ كەرٸ ەسەرٸ دە بار. جانارماي باعاسىنىڭ ٶسۋٸ ينفلياتسييانىڭ جەدەلدەۋٸنە ىقپال ەتٸپ, تاۋارلار مەن قىزمەتتەردٸڭ قۇنىنا ەسەر ەتۋٸ مٷمكٸن.
ارمان بايعانوۆ قازٸرگٸ جاعدايدا ٷكٸمەتتٸڭ نەگٸزگٸ مٸندەتٸ – جانارمايدىڭ زاڭسىز سىرتقا شىعارىلۋىن بارىنشا شەكتەۋ ەكەنٸن اتاپ ٶتتٸ.
“ەگەر قازاقستاننان رەسەيگە, سونداي-اق ٶزبەكستان مەن قىرعىزستانعا جانارمايدىڭ باقىلاۋسىز اعىلۋىنا جول بەرٸلمەسە, ەلٸمٸز ٸشكٸ سۇرانىستى قامتاماسىز ەتە الادى. الايدا شەكاراداعى باقىلاۋ ەلسٸز بولسا, تاپشىلىقتىڭ الدىن الۋ ٷشٸن باعانى كٶتەرۋ قاجەتتٸلٸگٸ تۋىندايدى”, – دەدٸ ساراپشى.
ونىڭ پٸكٸرٸنشە, رەسەيدەگٸ جانارماي تاپشىلىعىنىڭ قازاقستانعا ەسەرٸن ازايتۋ ٷشٸن شەكاراداعى باقىلاۋدى كٷشەيتٸپ, كونتراباندالىق تاسىمال ارنالارىنا توسقاۋىل قويۋ ماڭىزدى. سونىمەن قاتار ٸشكٸ نارىقتاعى باعا ساياساتىن كٶرشٸ ەلدەرمەن اراداعى ايىرماشىلىقتى ازايتاتىنداي دەڭگەيدە كەزەڭ-كەزەڭٸمەن رەتتەۋ قاجەت.
