قىركٷيەكتە پرەزيدەنت جولداۋى جارييالانادى. ال ودان بٸر ايداي ۋاقىت بۇرىن بيۋدجەت قايتا قارالىپ, جوسپاردىڭ قالاي ورىندالعانى بەلگٸلٸ بولادى. قاي تۇستا اقشا جەتپەگەنٸ, قاي جەردە تولتىرۋ كەرەگٸ دە تامىزدا كٶزگە كٶرٸنەدٸ. بىلايشا ايتقاندا بۇل — بيۋدجەتتٸڭ «تامىرىن» باساتىن كەز.
جولداۋدا دامۋعا باعىتتالعان ۇزاق مەرزٸمدٸ باعدارلامالار اياسىندا پرەزيدەنت تاپسىرمالار بەرٸپ, مەرزٸمٸن بەكٸتەدٸ. ودان كەيٸن بٸرنەشە كٷن ٸشٸندە پرەمەر-مينيستر ٷكٸمەتتٸ جيناپ, ول جەردە مينيسترلەر تاپسىرمانى قالاي ورىندايتىنىن, قاراجات جەتە مە — ايتادى. پرەزيدەنت ەكٸمشٸلٸگٸ ايماق ەكٸمدەرٸنٸڭ باسىن قوسىپ, ولار دا ٶزٸنە قاتىستى تاپسىرمالاردى قالاي ورىندايتىنىن ايتىپ, ەسەپ بەرەدٸ. قارجىگەر راسۋل رىسمامبەتوۆ Facebook-تەگٸ پاراقشاسىندا وسى ورايدا قارجى مينيسترلٸگٸنٸڭ موينىنداعى جاۋاپكەرشٸلٸكتٸڭ اۋىر ەكەنٸن اتاپ ٶتتٸ. «بۇل رەتتە مەنٸڭشە, باستى رٶل — قارجى مينيسترلٸگٸندە. ٶيتكەنٸ كاسسا — سونىڭ قولىندا. ول بيۋدجەتتٸ تولىقتىرىپ, بارلىق باعدارلامانى قارجىلاندىرۋى كەرەك. سٶيتە تۇرا سالىق جينايمىن دەپ بيزنەستٸ دە القىمنان الماۋى قاجەت. كٶبٸنە بيزنەس ونشا سالىق تٶلەگٸسٸ كەلمەيدٸ, «تيٸستٸ قولداۋ الماي وتىرمىن نە تٶلەگەن سالىققا ساي مەملەكەتتٸك قىزمەت المايمىن» دەيدٸ. وسىلايشا قارجى مينيسترلٸگٸنە مەملەكەتتٸك ورگاندار, ايماقتار مەن كۆازيمەملەكەتتٸك سەكتوردىڭ «تٸزگٸنٸن» (ولار دا اقشا العىسى كەلەدٸ) تارتۋعا تۋرا كەلەدٸ. ەكٸمدەر, مينيسترلٸكتەر مەن كۆازيمەملەكەتتٸك سەكتوردا لوببي مىقتى بولعاندىقتان, قارجىمين اقشا ٷنەمدەۋ ٷشٸن ولارمەن تايتالاسۋعا مەجبٷر» دەيدٸ ساراپشى.
رىسمامبەتوۆ 90-جىلدارى قارجى مينيسترٸ بولعان الەكساندر پاۆلوۆتىڭ كەزٸن ەسكە الىپ, ونىڭ بٸلٸگٸ جوعارى بولعانىن اتاپ ٶتتٸ. «ينتەرنەت دەۋٸرٸ باستالماعان كەزدە پاۆلوۆ قولىنا كالكۋلياتور مەن قارىنداش الىپ, 90-جىلدارى جاعداي اۋىر بولسا دا, بيۋدجەتتٸ تەپتٸشتەپ ەسەپتەيتٸن. شاحتەرلار ەرەۋٸلگە شىعىپ, كەسٸپورىندار ايلاپ ايلىق الماعان كەزدەرٸ وسى پاۆلوۆتىڭ كومانداسى امان الىپ شىقتى دەسەم بولادى» دەيدٸ ول.
ساراپشى قارجى مينيسترٸنە ەندٸ ەكٸ جاقتىڭ دا ىڭعايىنا قاراماي, بيزنەستەن سالىق الىپ, مەملەكەتتٸك اپپاراتتىڭ «تەبەتٸن» قاتار ازايتاتىن كەز كەلدٸ دەگەن پٸكٸردە. «ون جەردەن ونشا ەمەس ەستٸلسە دە, قازٸر مەدي تاكيەۆ بيۋدجەتتٸ قۇتقارىپ قالاتىن بولسا, وندا جەڭٸلگەنٸ. ونى ونسىز دا كٶبٸ ۇناتپايدى, بۇدان كەيٸن تٸپتٸ بارلىق جەردە ٷستٸننەن شاعىم تٷسەتٸن بولادى. يە, بۇعان دەيٸن كابينەتتەر بيۋدجەت مەسەلەسٸنە كەلگەندە جۇمساقتاۋ بولعان. بٸراق ەندٸ ٶتە قاتاڭ ەرٸ بۇرىنعىدان باسقاشا شەشٸمدەر قابىلادۋعا تۋرا كەلەدٸ. باستىسى, قارجى مينيسترٸنٸڭ ەكٸ جاقپەن شايقاسۋعا ەكٸمشٸلٸك رەسۋرسى جەتسە بولدى. ەيتپەسە, كٶپ ۇزاماي ۇلتتىق قوردىڭ تٷبٸ كٶرٸنەدٸ» دەپ سٶزٸن قورىتىندىلادى قارجىگەر.
