قاسيەتتى رامازان ايى 19 اقپاندا باستالادى. ءدىني مەرەكەلەردىڭ كۇنتىزبەسىن قازاقستان مۇسىلماندارى ءدىني باسقارماسى جاريالادى، دەپ حابارلايدى Dalanews.kz.
رامازان ايى 30 كۇنگە سوزىلادى. كۇنتىزبەگە سايكەس ءقادىر ءتۇنى 17 ناۋرىزعا قاراعان تۇنگە ءتۇسۋى مۇمكىن. ال ورازا ايت 20 ناۋرىز، ياعني جۇما كۇنى اتاپ وتىلەدى.
ءدىني باسقارما مالىمەتىنشە، حيجرا ايلارىنىڭ باستالۋى حالىقارالىق استرونوميالىق زەرتتەۋ ورتالىقتارىنىڭ دەرەگى نەگىزىندە انىقتالعان. الايدا اي كورىنۋىنە بايلانىستى ءدىني مەرەكەلەردىڭ ناقتى كۇنى ءبىر كۇنگە العا نەمەسە ارتقا جىلجۋى مۇمكىن.
سونداي-اق، قۇربان ايت 27 مامىردا باستالىپ، 29 مامىرعا دەيىن جالعاسادى.
