قىزىلوردا قالاسىنداعى مۇناي ٶڭدەۋ زاۋىتى اۋماعىندا ٸرٸ ٶرت بولدى. جالپى كٶلەمٸ 120 توننا مۇناي ٶنٸمدەرٸ ساقتالعان ەكٸ رەزەرۆۋار وتقا وراندى, دەپ حابارلايدى dalanews.kz.
تٶتەنشە جاعدايلار قىزمەتٸنٸڭ مەلٸمەتٸنشە, ەرقايسىسىنىڭ سىيىمدىلىعى 60 توننا بولاتىن ەكٸ رەزەرۆۋار اشىق جالىنمەن جانعان. ٶرت شىققان ورىننىڭ ماڭىندا تاعى ٷش رەزەرۆۋار ورنالاسقاندىقتان, تٸلسٸز جاۋدىڭ ولارعا تارالۋ قاۋپٸ تۋىنداعان.
وقيعا ورنىنا جەتكەن ٶرت سٶندٸرۋشٸلەر بٸرنەشە قىزمەتتٸڭ كٷشتەرٸ مەن قۇرالدارىن جۇمىلدىرعان.
«ٶرتتٸ سٶندٸرۋ شتابى قۇرىلدى. كٶرشٸلەس رەزەرۆۋارلاردى قورعاۋ ٷشٸن لافەتتٸك وقپاندار ورناتىلىپ, كٶبٸكپەن سٶندٸرۋ جۇمىستارى جٷرگٸزٸلدٸ. نەتيجەسٸندە ٶرتتٸڭ تارالۋىنا جول بەرٸلمەي, جاقىن ماڭداعى ٷش رەزەرۆۋار ساقتالىپ قالدى», – دەپ حابارلادى تجد ٶكٸلدەرٸ.
ٶرتتٸڭ جالپى اۋماعى شامامەن 200 شارشى مەتردٸ قامتىعان. قازٸرگٸ ۋاقىتتا جالىن تولىق سٶندٸرٸلدٸ.
الدىن الا مەلٸمەت بويىنشا, زارداپ شەككەندەر تۋرالى اقپارات جوق.
