«بالالاردىڭ ساباقتان تىس ۋاقىتىن تيٸمدٸ ٶتكٸزۋ جەنە جاڭا تەحنولوگييالاردى مەڭگەرۋٸنە جاعداي جاساۋ ماقساتىندا قىزىلوردا قالاسىنىڭ ەل-فارابي شاعىن اۋدانىندا 7 ملرد. تەڭگەگە 360 ورىندىق يننوۆاتسييالىق شىعارماشىلىق ورتالىعىنىڭ قۇرىلىسى بيىل باستالىپ, 2027 جىلى پايدالانۋعا بەرٸلەدٸ».
بۇل تۋرالى وبلىس ەكٸمٸ مۇرات ەرگەشباەۆ بٸلٸم قىزمەتكەرلەرٸنٸڭ دەستٷرلٸ تامىز كونفەرەنتسيياسىندا ايتتى.
بۇعان دەيٸن مۇنداي ورتالىق «سىر جۇلدىزدارى» دەگەن اتپەن قالانىڭ باسقا شاعىن اۋدانىندا اشىلىپ, جەتكٸنشەكتەردٸڭ بوس ۋاقىتىن ٶتكٸزەتٸن قوسىمشا بٸلٸم بەرۋ ۇيىمىنا اينالعان بولاتىن. ەندٸ قىزىلوردانىڭ تاعى بٸر شاعىن اۋدانىندا بوي كٶتەرمەك.
مەملەكەت باسشىسىنىڭ, ٷكٸمەتتٸڭ ەرەكشە قولداۋىمەن ٶڭٸردە بٸلٸم بەرۋ ينفراقۇرىلىمى جاڭعىرۋدا. 2022 جىلدان بەرٸ 121 ملرد. تەڭگەدەن استام قارجىعا 46 زاماناۋي بٸلٸم بەرۋ نىسانى سالىنىپ, ەل يگٸلٸگٸنە تابىستالدى.
ايماقتا كٶپ جىلدان بەرٸ ٶزەكتٸ بولعان ٷش اۋىسىمدى مەكتەپتەر مەسەلەسٸ تولىق شەشٸلدٸ. بيىل «AI-Kerim» بالالار بٸلٸم بەرۋ-ساۋىقتىرۋ ورتالىعى پايدالانۋعا بەرٸلدٸ. ورتالىق جىل سايىن 8 400 بالانى قامتىپ, روبوتوتەحنيكا, باعدارلامالاۋ, ينجەنەرلٸك جوبالاۋ جەنە باسقا دا زاماناۋي داعدىلاردى ٷيرەتۋدە.
جاڭادان اشىلعان بوتانيكالىق بٸلٸم بەرۋ ورتالىعىندا وقۋشىلار بيولوگييا, ەكولوگييا جەنە بوتانيكا باعىتتارىن تەجٸريبە جٷزٸندە مەڭگەرۋدە. بالالاردىڭ عىلىمعا قىزىعۋشىلىعىن ارتتىرۋدا وسىنداي جوبالاردىڭ ماڭىزى ەرەكشە.
