قىزىلوردا وبلىسىنىڭ جاڭاقورعان اۋدانىندا قۇدىقتان 20 جاستاعى جٸگٸتتٸڭ مەيٸتٸ تابىلدى, دەپ حابارلايدى dalanews.kz.
"كريمينالنىي كازاحستان" تەلەگرام ارناسىنىڭ مەلٸمەتٸنشە, قايعىلى وقيعاعا بايلانىستى مارقۇمنىڭ 15 جاستاعى ٸنٸسٸ كٷدٸكتٸ رەتٸندە ۇستالدى.
تۋىستارىنىڭ ايتۋىنشا, جاس جٸگٸت 30 مامىر كٷنٸ كەشكە ٷيٸنٸڭ اۋلاسىندا تٶسەلگەن ماتراستا تٷنەپ شىققان. الايدا تاڭەرتەڭنەن بەرٸ حابارسىز كەتكەن. جاقىندارى ٸزدەۋ جۇمىستارىن باستاپ, كەلەسٸ كٷنٸ ونىڭ دەنەسٸن سۋ قۇبىرىنا ارنالعان قۇدىقتان تاپقان.
مارقۇمنىڭ اناسى ۇلىنىڭ دەنەسٸندە زورلىق-زومبىلىق بەلگٸلەرٸ بولعانىن ايتادى.
"ۇلىم قىزىل تٷستٸ جايماعا ورالعان كٷيدە تابىلدى. موينىندا تۇنشىقتىرۋ ٸزدەرٸ بولدى. دەنەسٸنٸڭ ەر جەرٸندە كٶگەرگەن جەرلەردٸ بايقادىم. ونىڭ ٶمٸرٸ ٷشٸن كٷرەسكەنٸ انىق كٶرٸنەدٸ. مۇنداي ەرەكەتتٸ بٸر ادامنىڭ جاساۋى قيىن دەپ ويلايمىن", – دەيدٸ ول.
مارقۇمنىڭ تۋىستارى 15 جاستاعى جاسٶسپٸرٸمنٸڭ جالعىز ٶزٸ 20 جاستاعى جٸگٸتكە كٷش كٶرسەتە الاتىنىنا كٷمەن كەلتٸرەدٸ. ولاردىڭ پٸكٸرٸنشە, وقيعاعا باسقا ادامداردىڭ دا قاتىسى بولۋى مٷمكٸن. سونداي-اق وتباسى مٷشەلەرٸ قايعىلى جاعدايدى بۇعان دەيٸن ٷيدە بولعان ۇرلىق وقيعالارىمەن بايلانىستىرۋدا.
اتالعان دەرەك بويىنشا پوليتسييا "ادام ٶلتٸرۋ" بابى نەگٸزٸندە قىلمىستىق ٸس قوزعادى. كٷدٸكتٸ سوت سانكتسيياسىمەن قاماۋعا الىندى.
قازٸرگٸ ۋاقىتتا وقيعانىڭ بارلىق مەن-جايىن انىقتاۋعا باعىتتالعان سوتقا دەيٸنگٸ تەرگەۋ امالدارى جٷرگٸزٸلٸپ جاتىر. تەرگەۋ مٷددەسٸنە بايلانىستى ٶزگە اقپارات ەزٸرگە جارييالانعان جوق.
