قىرعىزستان بيلٸگٸ VI دٷنيەجٷزٸلٸك كٶشپەندٸلەر ويىندارىنىڭ قورىتىندىسى بويىنشا قازاقستان قۇراماسىنىڭ جالپىكوماندالىق ەسەپتەگٸ جەڭٸسٸن رەسمي تٷردە مويىندادى. بۇل تۋرالى قىرعىزستان پرەزيدەنتٸنٸڭ باسپاسٶز حاتشىسى اسكات الاگٶزوۆ مەلٸمدەدٸ, دەپ حابارلايدى dalanews.kz.
ونىڭ ايتۋىنشا, VI دٷنيەجٷزٸلٸك كٶشپەندٸلەر ويىندارى جوعارى دەڭگەيدە ۇيىمداستىرىلىپ, ٷلكەن سپورت مەرەكەسٸ رەتٸندە اياقتالعان.
اسكات الاگٶزوۆ ەسٸرەسە كٶكبٶرٸ مەن جورگو ۋلاك (جەر-ۋلاك) جارىستارىنىڭ تارتىستى ٶتكەنٸن اتاپ ٶتتٸ. ونىڭ سٶزٸنشە, قازاقستان مەن قىرعىزستان قۇرامالارى جوعارى دەڭگەيدەگٸ ويىن كٶرسەتٸپ, سپورتتاعى بەسەكەلەستٸك تەك جارىس الاڭىندا عانا قالاتىنىن تاعى بٸر مەرتە دەلەلدەگەن.
سونداي-اق ول جانكٷيەرلەر اراسىندا دا ەشقانداي كەلٸسپەۋشٸلٸك بولماعانىن ايتىپ, ەكٸ ەلدٸڭ سپورتشىلارى مەن جانكٷيەرلەرٸنە العىس بٸلدٸردٸ.
باسپاسٶز حاتشىسىنىڭ مەلٸمەتٸنشە, جالپىكوماندالىق ەسەپتٸ شىعارۋ كەزٸندە مەدالداردى ساناۋدا تەحنيكالىق سەيكەسسٸزدٸك تۋىنداعان. كەيٸن ۇيىمداستىرۋ كوميتەتٸ قازاقستاننىڭ ٷش سپورتشىسىنىڭ مەدالدارىن جەكە-جەكە ەسەپكە الۋ تۋرالى شەشٸم قابىلداعان.
«وسىلايشا, جالپىكوماندالىق ەسەپتە بٸرٸنشٸ ورىندى قازاقستان يەلەندٸ. قازاق باۋىرلارىمىزدى جەڭٸستەرٸمەن قۇتتىقتايمىز!» – دەدٸ الاگٶزوۆ.
ول سونداي-اق قىرعىزستان سپورتشىلارىنىڭ دا جارىستا لايىقتى ٶنەر كٶرسەتٸپ, ٶزدەرٸنٸڭ كٷش-جٸگەرٸ مەن شەبەرلٸگٸن تانىتقانىن اتاپ ٶتتٸ.
قىرعىزستان پرەزيدەنتٸنٸڭ باسپاسٶز حاتشىسى مەدال كەستەسٸ سپورتتىڭ بٸر عانا بٶلٸگٸ ەكەنٸن ايتىپ, كٶشپەندٸلەر ويىندارىنىڭ باستى جەتٸستٸگٸ ٶزارا قۇرمەت پەن ادال بەسەكەلەستٸك رۋحىندا ٶتكەنٸندە ەكەنٸن جەتكٸزدٸ.
