ايتا كەتەلىك، وسى اپتادا ماڭعىستاۋ وبلىسىنىڭ جاڭاوزەن قالاسىنان «بەرالى ماڭعىستاۋ كومپاني» جاۋاپكەرشىلىگى شەكتەۋلى سەرىكتەستىگىنىڭ 100-دەن اسا جۇمىسشىسى استاناعا كەلىپ، ەنەرگەتيكا مينيسترلىگىنىڭ الدىندا نارازىلىق بىلدىرگەن.
كەلەسى كۇنى «قازمۇنايگاز» ۇلتتىق كومپانياسى وكىلدەرى نارازى ازاماتتارمەن كەزدەسۋ وتكىزىپ، كەلىسسوز جۇرگىزگەن.
"الايدا جاڭاوزەندىكتەر ۇسىنىستارمەن كەلىسپەيتىنىن ايتىپ، كەزدەسۋدىڭ ورتاسىنان شىعىپ كەتكەن. نارازىلىق اكسياسىن جالعاستىرۋىنا بايلانىستى ولاردىڭ بارلىعى پوليسيا جاساعىمەن ۇستالدى. ءوز تۋىستارىنىڭ، جەرلەستەرىنىڭ ۇستالعاندىعىن ەستىگەن ماڭعىستاۋلىق ازاماتتار ءوز وبلىسى اۋماعىندا جينالىپ، ولارعا قولداۋ ءبىلدىردى.
اسىرەسە، جاڭاوزەن قالاسىندا استانالىق پوليسەيلەردىڭ ارەكەتىنە نارازىلاردىڭ قاراسى قالىڭ بولدى.
شىنىن ايتساق، كوز الدىمىزدا وتكەن جىلدىڭ باسىنداعى «قاڭتار» وقيعاسى كەزىندەگىدەي جاعداي باقىلاۋدان شىعۋعا جاقىن قالعانداي كورىنىس قالىپتاستى"، – دەيدى وسى رەتتە زاڭگەر.
ۇزاق جىل ەڭبەك داۋىمەن اينالىسقان بيبىگۇل نۇراشيەۆانىڭ ايتۋىنشا بۇل جاعدايدى ەرەكشە كوزقاراسپەن تياناقتى ءارى دالەلدى تەرگەۋ قاجەت. سەبەبى، قاراپايىم جۇمىسشىلاردىڭ قۇقىعى جان-جاقتى بۇزىلعان فاكتىلەر تىركەلگەن.
"بەرالى ماڭعىستاۋ كومپاني" جشس-نىڭ باسشىلىعى تەندەردەن ۇتىلىپ قالىپ، ەكى ورتاداعى قاراپايىم جۇمىسشىلاردى پايدالانۋ ارقىلى تەندەر ناتيجەسىن جويىپ، جۇمىس كولەمىن وزىنە العىسى كەلگەندىگى تۋرالى بولجام قۇزىرلى ورگاندار تاراپىنان تەكسەرۋدى قاجەت ەتەدى.
مەكەمە باسشىلىعى مۇنداي قۇيتىرقى ادىسكە جۇگىنۋى ابدەن مۇمكىن دەگەن ويدامىن.
ءدال وسىلايشا “وزەنمۇنايگاز” اق تاراپىنان دا وسى تەندەردى وتكىزۋ كەزىندە ورىن الۋى مۇمكىن زاڭ بۇزۋشىلىق فاكتىلەرى تەكسەرىلۋى ءتيىس. ارينە، جاعدايدىڭ اق-قاراسىن قۇقىق قورعاۋ ورگاندارى انىقتاۋى كەرەك.
سول ءۇشىن مەن – قازاقستان رەسپۋبليكاسىنىڭ ازاماتى، ەل تاعدىرىنا الاڭداۋشى قوعام بەلسەندىسى رەتىندە «بەرالى ماڭعىستاۋ كومپاني» جاۋاپكەرشىلىگى شەكتەۋلى سەرىكتەستىگىنە قاتىستى ارنايى تەكسەرىس اشىلۋىن جانە قۇقىق قورعاۋ ورگاندارى ءمان-جايدىڭ اق-قاراسىن اجىراتىپ، اقيقاتىن جاريالاۋىن سۇرايمىن تالاپ ەتەمىن. باستىسى ەلىمىزدىڭ تىنىشتىعى، قاراپايىم جۇمىسشىلار كومپانيالاردىڭ قارا باسىنىڭ مۇددەسى ءۇشىن قۇربان بولماۋى ءتيىس!
بۇل تەكسەرىستى جۇرگىزۋ پروسەسىنە مەنى قاتىستىرسا، قارسى ەمەسپىن"، – دەيدى ساراپشى.
➡️ ايتقانداي، روساتوم شەتەلدە اەس سالۋ مۇمكىندىگىنەن ايىرىلدى، تولىعىراق:
https://t.me/dalainside/1264
