Aita ketelik, osy aptada Mańǵystaý oblysynyń Jańaózen qalasynan «BerÁli Mańǵystaý Kompani» jaýapkershiligi shekteýli seriktestiginiń 100-den asa jumysshysy Astanaǵa kelip, Energetika ministrliginiń aldynda narazylyq bildirgen.
Kelesi kúni «QazMunaiGaz» ulttyq kompaniiasy ókilderi narazy azamattarmen kezdesý ótkizip, kelissóz júrgizgen.
"Alaida jańaózendikter usynystarmen kelispeitinin aityp, kezdesýdiń ortasynan shyǵyp ketken. Narazylyq aktsiiasyn jalǵastyrýyna bailanysty olardyń barlyǵy politsiia jasaǵymen ustaldy. Óz týystarynyń, jerlesteriniń ustalǵandyǵyn estigen mańǵystaýlyq azamattar óz oblysy aýmaǵynda jinalyp, olarǵa qoldaý bildirdi.
Ásirese, Jańaózen qalasynda astanalyq politseilerdiń áreketine narazylardyń qarasy qalyń boldy.
Shynyn aitsaq, kóz aldymyzda ótken jyldyń basyndaǵy «Qańtar» oqiǵasy kezindegidei jaǵdai baqylaýdan shyǵýǵa jaqyn qalǵandai kórinis qalyptasty", – deidi osy rette zańger.
Uzaq jyl eńbek daýymen ainalysqan Bibigúl Nurashevanyń aitýynsha bul jaǵdaidy erekshe kózqaraspen tiianaqty ári dáleldi tergeý qajet. Sebebi, qarapaiym jumysshylardyń quqyǵy jan-jaqty buzylǵan faktiler tirkelgen.
"BerÁli Mańǵystaý Kompani" JShS-nyń basshylyǵy tenderden utylyp qalyp, eki ortadaǵy qarapaiym jumysshylardy paidalaný arqyly tender nátijesin joiyp, jumys kólemin ózine alǵysy kelgendigi týraly boljam quzyrly organdar tarapynan tekserýdi qajet etedi.
Mekeme basshylyǵy mundai quityrqy ádiske júginýi ábden múmkin degen oidamyn.
Dál osylaisha “Ózenmunaigaz” AQ tarapynan da osy tenderdi ótkizý kezinde oryn alýy múmkin zań buzýshylyq faktileri tekserilýi tiis. Árine, jaǵdaidyń aq-qarasyn quqyq qorǵaý organdary anyqtaýy kerek.
Sol úshin men – Qazaqstan Respýblikasynyń azamaty, el taǵdyryna alańdaýshy qoǵam belsendisi retinde «BerÁli Mańǵystaý Kompani» jaýapkershiligi shekteýli seriktestigine qatysty arnaiy tekseris ashylýyn jáne quqyq qorǵaý organdary mán-jaidyń aq-qarasyn ajyratyp, aqiqatyn jariialaýyn suraimyn talap etemin. Bastysy elimizdiń tynyshtyǵy, qarapaiym jumysshylar kompaniialardyń qara basynyń múddesi úshin qurban bolmaýy tiis!
Bul tekseristi júrgizý protsesine meni qatystyrsa, qarsy emespin", – deidi sarapshy.
➡️ Aitqandai, Rosatom shetelde AES salý múmkindiginen aiyryldy, tolyǵyraq:
https://t.me/dalainside/1264
