قۇرمانعازى اۋدانىندا مال بەلگٸسٸز اۋرۋدان قىرىلۋدا
قۇرمانعازى اۋدانىندا مالدىڭ قانداي اۋرۋدان قىرىلىپ جاتقاندىعىن تۇرعىندار تٷسٸنە الماي ەلەك. قوراسىنداعى مٷيٸزدٸ مالدىڭ ايدىڭ-كٷننٸڭ امانىندا ٶلٸپ جاتقانىنان شوشىنعان اۋدان تۇرعىندارى اۋرۋ سىرتتان كەلدٸ دەگەن بولجام ايتۋدا.
تۇرعىندار اۋرۋدىڭ داعىستاننان شىققانىن العا تارتۋدا. ال ونىڭ اتىراۋعا قالاي كەلگەنٸن ەشكٸم بٸلمەيدٸ. دەسە دە ناقتى قانداي اۋرۋ ەكەندٸگٸن مامانداردىڭ ٶزٸ اجىراتا الماي جاتىر.
اۋدان باسشىسىنىڭ سٶزٸنە سەنسەك, استانا مەن الماتى قالاسىنان كەلگەن ماماندار بەلگٸسٸز اۋرۋعا شالدىققان مٷيٸزدٸ ٸرٸ قارادان سىناما الىپ كەتكەن. الايدا, ەلٸ قورىتىندى شەشٸم شىعارماپتى. سونداقتان ەكٸم اۋدان بويىنشا كارانتين جارييالاي الماي وتىرعانىن العا تارتتى.
– كارانتين مالدىڭ اۋرۋىنىڭ تٷرٸ انىقتالمايىنشا جارييالانبايدى. بٸز شەكتەۋ جارييالاعىمىز كەلٸپ وتىر. بٸراق قولىمىزعا سىنمانىڭ ناقتى نەتيجەسٸ تيگەن جوق. بٸر اپتانىڭ كٶلەمٸندە كەلەدٸ دەگەن. كٷتۋدەمٸز, – دەيدٸ اۋدان ەكٸمٸ بيبوز شاياحمەتوۆ.
مالمەن عانا كٷن كٶرٸپ, قوراداعى ٸرٸ قارالارانىڭ اماندىعىن تٸلەگەن حالىق بارىنان ايرىلىپ قالماس ٷشٸن قىمبات دەرٸلەردٸ ساتىپ الىپ, امالداۋعا مەجبٷر. ٶز كەزەگٸندە اۋدان باسشىسى دا بيۋدجەتتەن 1 ميلليون 930 مىڭ تەڭگە قارجى بٶلٸنٸپ, كٶرشٸلەس باتىس قازاقستان وبلىسىنان دەرٸ-دەرمەك الدىرىپ, بەلگٸسٸز اۋرۋدىڭ الدىن الىپ وتىرعاندارىن راستادى.
ەمٸ تابىلماي ەسٸنەن تانىپ ٶلگەن مٷيٸزدٸ ٸرٸ قارالاردىڭ ٶلەكسەلەرٸ اۋدان سىرتىنداعى ارنايى ورىنعا تاستالىپ, ٶرتەلٸنٸپ جاتىر. كٷنٸ بٷگٸنگە دەيٸن قىرىلعان مالدىڭ سانى قىرىققا جەتكەن.
اسانتەمٸر قارشىعاۇلى, عاني ساعىندىقوۆ
