قۇلسارى قالاسىندا 15 مامىردا نارازىلىق باستالدى. 300-دەن اسا نارازى تۇرعىن اۋداندىق ەكٸمشٸلٸك عيماراتىنىڭ قاسىنا پالاتكا تٸكتٸ, - دەپ حابارلايدى Dalanews.kz "اق جايىق" باسىلىمىنا سٸلتەپ.
- بٸز تالابىمىز ورىندالماسا كەتپەيمٸز, تۇرا بەرەمٸز. ٶيتكەنٸ بارار جەرٸمٸز قالمادى, سول سەبەپتەن ٷيدٸ باعالاۋ قورىتىندىسىن تەز شىعارىپ بەرسٸن,-دەپ ايقالادى نارازى جۇرتشىلىق.
"اقشا قولعا بەرٸلسٸن", "ٷيدٸڭ شارشى مەترٸن نارىق باعاسى 400 مىڭ تەڭگەمەن باعالانسىن" دەگەن ۇرانداردى قولدارىنا الىپ شىققان. تٷنگٸ 01.30. جاڭبىر جاۋىپ, تٷن سۋىق. نارازى توپتار اۋداندىق ەكٸمشٸلٸك عيماراتىنىڭ ٸشٸندە, سىرتىندا تۇردى. ەسكەريلەر مەن پوليتسييا نارازىلىق توپتاردى سىرتتاي باقىلاۋمەن بولدى. نارازى حالىقتىڭ الدىنا وبلىستىق مەسليحاتىنىڭ تٶراعاسى مۋسا حايرۋللين شىعىپ ٶزٸن تانىستىرىپ:
- مەن سۋ تاسقىنى كەزٸندە سٸزدەرمەن بٸر اي بٸرگە بولدىم. جوعارعى جاققا تالاپتارىڭىزدى جەتكٸزدٸم... بٸراق شارشى مەتر 400 مىڭ تەڭگە بولمايدى. بٸر ساعات ويلانىپ, اقىلداسۋعا مٷمكٸندٸك بەرەمٸز. سابىر ساقتايىق, - دەدٸ ول.
1,5 ساعاتتان كەيٸن كٶپشٸلٸك الدىنا وبلىس ەكٸمنٸڭ ورىنباسارى جاسۇلان بيسەمبيۆ شىقتى.
- بٸز اقىلداسا كەلە ٷيدٸڭ شارشى مەترٸن 200-240 مىڭ تەڭگەمەن باعالايمىز دەپ شەشتٸك. قازاقستاندا باعا سولاي, اعايىن, تٷسٸنٸڭٸزدەر. ودان ارتىق بولمايدى. مەسەلەن, 200 شارشى مەتر ٷيٸڭٸز بولسا, 40 ملن تەڭگە الاسىز. باعالاۋ قورىتىندىسىن باستادىق, ەندٸ وسىلاي جالعاسا بەرەدٸ, -دەدٸ ول.
بٸراق وعان جينالعاندار كٶنبەدٸ, نارازى ٷنمەن شۋلاپ قويا بەردٸ.
- باعالاۋ نەتيجەسٸن الدىم. ٷيٸمدٸ 12 ملن تەڭگەگە باعالاپتى, وعان ٷي سالا دا, ساتىپ تا الا المايمىن, - دەدٸ قالا تۇرعىندارىنىڭ بٸرٸ.
- بٸزگە ودولجەنيە جاساماڭىزدار!
نارازىلىق جالعاسۋدا. ەستەرٸڭٸزگە تٷسٸرسەك, كٶكتەمگٸ قارعىن سۋىنان 2900 ادام جەنە جٷزدەگەن كوممەرتسييالىق نىساندار بٷلٸنگەن بولاتىن.
