ەكس-پرەزيدەنت نازارباەۆتىڭ كٷيەۋ بالاسى مەن قىزى تيمۋر قۇلىباەۆ پەن دينارا قۇلىباەۆاعا تيەسٸلٸ "المەكس" حولدينگٸ 2023 جىلعا ديۆيدەندتەر تٶلەمەيدٸ. مۇنداي شەشٸم 2024 جىلعى 30 مامىردا ٶتكەن اكتسيونەرلەردٸڭ جالپى جينالىسىندا قابىلدانعان, - دەپ حابارلايدى Dalanews.kz Forbes.kz دەرەكتەرٸنە سٸلتەپ.
باسىلىم مەلٸمەتٸنشە, اكتسيونەرلەر بٸراۋىزدان: "2023 جىلعى تازا كٸرٸس بٶلٸنبەيدٸ جەنە ديۆيدەندتەر تٶلەنبەيدٸ" دەگەن شەشٸمگە كەلگەن. ەڭگٸمە قانداي سوما تۋرالى بولىپ وتىرعانى ەلٸ بەلگٸسٸز: اكتسيونەرلەر جىلدىق قارجىلىق ەسەپتٸ بەكٸتتٸ, بٸراق كومپانييا قۇجاتتى ەلٸ جارييالاعان جوق.
بٸر جىل بۇرىن اكتسيونەرلەر شامامەن 88,9 ميلليارد تەڭگە كٶلەمٸندە ديۆيدەند الدى, بۇل دەگەنٸمٸز - 2022 جىلدىڭ قورىتىندىسى بويىنشا حولدينگتٸڭ تازا تابىسىنىڭ 100 پايىزى.
تيمۋر قۇلىباەۆ پەن دينارا قۇلىباەۆا - "المەكس" حولدينگتٸك توبىنىڭ جالعىز اكتسيونەرلەرٸ. ولار Forbes Kazakhstan بويىنشا قازاقستاننىڭ ەڭ باي 75 بيزنەسمەنٸنٸڭ تٸزٸمٸندە ەكٸنشٸ ورىندا تۇر, ولاردىڭ بايلىعى 5 ميلليارد تەڭگە بولادى دەگەن دەرەكتەر بار. تيمۋر قۇلىباەۆ قازاقستاننىڭ ەڭ ىقپالدى 50 كەسٸپكەرٸ-2024 رەيتينگٸندە ٷشٸنشٸ ورىندا تۇر. "المەكس" ارقىلى ولار Halyk Bank-تٸڭ 69,52 پايىزىن باقىلايدى.
ايتا كەتەيٸك, بۇعان دەيٸن قۇلىباەۆتارعا تيەسٸلٸ بولعان مۇناي تەرمينالى مەملەكەتكە قايتتى.
الماتى قالاسى پروكۋرورىنىڭ تالاپ-ارىزى بويىنشا اقتاۋ حالىقارالىق تەڭٸز ساۋدا پورتىنىڭ اكۆاتوريياسىندا ورنالاسقان, قۇنى 66 ملن اقش دوللارى بولاتىن اۋدانى 134 گەكتار مۇناي تەرمينالى مەملەكەت مەنشٸگٸنە قايتارىلدى.
تالاپ-ارىز اسقار قۇلىباەۆقا تيەسٸلٸ كومپانييانىڭ شەتەلدٸك ينۆەستوردىڭ مەنشٸگٸن زاڭسىز الىپ قويۋى نەتيجەسٸندە كەلتٸرٸلگەن زالالدى ٶتەۋ ماقساتىندا بەرٸلگەن. 2011 جىلى مۇناي تەرمينالى قۇلىباەۆ كومپانيياسىنىڭ مەنشٸگٸنە الىنعانى انىقتالعان. 2024 جىلدىڭ 26 اقپانىندا ماڭعىستاۋ وبلىسى مامانداندىرىلعان اۋدانارالىق ەكونوميكالىق سوتىنىڭ شەشٸمٸمەن الماتى قالاسى پروكۋرورىنىڭ تالاپ-ارىزى قاناعاتتاندىرىلدى, مۇناي تەرمينالى مەملەكەت مەنشٸگٸنە قايتارىلدى, سوت اكتٸسٸ زاڭدى كٷشٸنە ەندٸ.
