Eks-prezident Nazarbaevtyń kúieý balasy men qyzy Timýr Qulybaev pen Dinara Qulybaevaǵa tiesili "Almeks" holdingi 2023 jylǵa dividendter tólemeidi. Mundai sheshim 2024 jylǵy 30 mamyrda ótken aktsionerlerdiń jalpy jinalysynda qabyldanǵan, - dep habarlaidy Dalanews.kz Forbes.kz derekterine siltep.
Basylym málimetinshe, aktsionerler biraýyzdan: "2023 jylǵy taza kiris bólinbeidi jáne dividendter tólenbeidi" degen sheshimge kelgen. Áńgime qandai soma týraly bolyp otyrǵany áli belgisiz: aktsionerler jyldyq qarjylyq esepti bekitti, biraq kompaniia qujatty áli jariialaǵan joq.
Bir jyl buryn aktsionerler shamamen 88,9 milliard teńge kóleminde dividend aldy, bul degenimiz - 2022 jyldyń qorytyndysy boiynsha holdingtiń taza tabysynyń 100 paiyzy.
Timýr Qulybaev pen Dinara Qulybaeva - "Almeks" holdingtik tobynyń jalǵyz aktsionerleri. Olar Forbes Kazakhstan boiynsha Qazaqstannyń eń bai 75 biznesmeniniń tiziminde ekinshi orynda tur, olardyń bailyǵy 5 milliard teńge bolady degen derekter bar. Timýr Qulybaev Qazaqstannyń eń yqpaldy 50 kásipkeri-2024 reitinginde úshinshi orynda tur. "Almeks" arqyly olar Halyk Bank-tiń 69,52 paiyzyn baqylaidy.
Aita keteiik, buǵan deiin Qulybaevtarǵa tiesili bolǵan munai terminaly memleketke qaitty.
Almaty qalasy prokýrorynyń talap-aryzy boiynsha Aqtaý halyqaralyq teńiz saýda portynyń akvatoriiasynda ornalasqan, quny 66 mln AQSh dollary bolatyn aýdany 134 gektar munai terminaly memleket menshigine qaitaryldy.
Talap-aryz Asqar Qulybaevqa tiesili kompaniianyń sheteldik investordyń menshigin zańsyz alyp qoiýy nátijesinde keltirilgen zalaldy óteý maqsatynda berilgen. 2011 jyly munai terminaly Qulybaev kompaniiasynyń menshigine alynǵany anyqtalǵan. 2024 jyldyń 26 aqpanynda Mańǵystaý oblysy Mamandandyrylǵan aýdanaralyq ekonomikalyq sotynyń sheshimimen Almaty qalasy prokýrorynyń talap-aryzy qanaǵattandyryldy, munai terminaly memleket menshigine qaitaryldy, sot aktisi zańdy kúshine endi.
