جەتٸسۋ وبلىسىندا قۇلاعان گيدروۇشاقتىڭ بٶلشەكتەرٸ مەملەكەتتٸك ساۋداعا قويىلدى. لوتتىڭ باستاپقى باعاسى – 3,1 ملن تەڭگە. ساۋدا 12 قاراشادا ٶتەدٸ. بۇل تۋرالى «زا نامي ۆىەحالي» Telegram-ارناسى حابارلادى, دەپ حابارلايدى dalanews.kz.
جارييالانعان سۋرەتتەردەن ۇشاقتىڭ اپاتقا ۇشىراعانى بايقالادى. قايىق تەرٸزدٸ كورپۋسىنىڭ تۇمسىعى مايىسىپ, قوزعالتقىشى بٶلەك جاتىر. كورپۋستا «870» دەگەن نٶمٸر كٶرٸنەدٸ. Telegram-ارناسىنىڭ بولجامىنشا, ساتىلىمعا قويىلعان بٶلشەكتەر 2024 جىلعى 25 شٸلدەدە الاكٶل ماڭىنداعى اقشي اۋىلىندا قۇلاعان گيدروۇشاققا تيەسٸلٸ بولۋى مٷمكٸن. سول كەزدە اپاتتان اۋىر جاراقات العان ەكٸ تۋريستٸ قۇتقارۋشىلار الىپ شىققان.
كەيٸن ۇشاق يەسٸنٸڭ تۋريستەردٸ اقىلى تٷردە قىدىرتقانى انىقتالعان. سونداي-اق ەۋە اپپاراتى مەملەكەتتٸك تٸركەۋگە قويىلماعانى, ال ونى باسقارعان ادامنىڭ ۇشقىش كۋەلٸگٸ بولماعانى بەلگٸلٸ بولدى. وقيعاعا بايلانىستى تاراپتار ٶزارا كەلٸسٸمگە كەلٸپ, قىلمىستىق ٸس توقتاتىلعان. ۇشاق يەسٸنە 55 380 تەڭگە ايىپپۇل سالىنعان. ال SKYPPER 912 ەۋە اپپاراتى مەملەكەت مەنشٸگٸنە بەرٸلگەن.
بۇعان دەيٸن ۇشاقتى ساتۋعا ارنالعان ساۋدا قازان ايىندا ەكٸ رەت ٶتكٸزٸلمەگەن. سەبەبٸ ساتىپ الۋشىلار تابىلماعان. ەندٸ ونىڭ بٶلشەكتەرٸ 3,1 ملن تەڭگە باستاپقى باعامەن قايتا ساتىلىمعا شىعارىلىپ وتىر.
