پرەزيدەنت قاسىم-جومارت توقاەۆ ەلٸمٸزدٸڭ بارلىق ٶڭٸرٸندە قۇرىلىس جۇمىستارىن جانداندىرىپ, ەلەۋمەتتٸك ينفراقۇرىلىمدى دامىتۋ قاجەتتٸگٸن ايتتى. مەملەكەت باسشىسىنىڭ سٶزٸنشە, حالىقتىڭ تۇرمىس ساپاسىن جاقسارتۋ ٷشٸن دەنساۋلىق ساقتاۋ, بٸلٸم بەرۋ, مەدەنيەت جەنە سپورت نىساندارىنا باسىمدىق بەرٸلۋٸ تيٸس, دەپ حابارلايدى dalanews.kz.
پرەزيدەنت ەلدٸڭ تۇراقتى دامۋى العا قويىلعان مٸندەتتەردٸڭ قانشالىقتى ساپالى ەرٸ ۋاقىتىلى ورىندالاتىنىنا بايلانىستى ەكەنٸن اتاپ ٶتتٸ. وسىعان وراي ازاماتتاردى قاجەتتٸ ەلەۋمەتتٸك ينفراقۇرىلىممەن قامتاماسىز ەتۋ ماڭىزدى ەكەنٸن جەتكٸزدٸ.
"ازاماتتارىمىز تولىققاندى ەلەۋمەتتٸك ينفراقۇرىلىممەن قامتىلۋى كەرەك. بۇل – حالىقتىڭ تۇرمىس ساپاسىن كٶتەرۋدٸڭ ماڭىزدى شارتى. سوندىقتان باستى نازاردى ينفراقۇرىلىم قۇرۋ ٸسٸنە اۋدارامىز", – دەدٸ قاسىم-جومارت توقاەۆ.
مەملەكەت باسشىسى قۇرىلىس جۇمىستارى جەكەلەگەن جوبالارمەن شەكتەلمەۋٸ كەرەكتٸگٸن ايتىپ, بارلىق ايماقتا اۋقىمدى جۇمىستاردى قولعا الۋدى تاپسىردى.
"بۇعان دەيٸن دە ايتتىم: قازاقستان اۋقىمدى قۇرىلىس الاڭىنا اينالۋعا تيٸس. مەسەلە جەكەلەگەن جوبالارعا قاتىستى بولىپ وتىرعان جوق. جالپى, بارلىق ايماقتا جاپپاي قۇرىلىستى باستاپ, جانداندىرۋ قاجەت", – دەدٸ پرەزيدەنت.
سونىمەن قاتار توقاەۆ جاڭا نىسانداردى سالماس بۇرىن ەر ٶڭٸردٸڭ ناقتى قاجەتتٸلٸگٸن انىقتاۋ ماڭىزدى ەكەنٸن اتاپ ٶتتٸ. ول ٷشٸن وبلىستارداعى ەلەۋمەتتٸك ينفراقۇرىلىمنىڭ قازٸرگٸ جاعدايىنا جان-جاقتى تالداۋ جٷرگٸزٸلۋٸ كەرەك.
اتاپ ايتقاندا, ٶڭٸرلەرگە قانشا اۋرۋحانا, مەكتەپ, مەدەنيەت جەنە سپورت نىسانى قاجەت ەكەنٸن انىقتاۋ جۇمىستارىن تەز ارادا اياقتاۋدى تاپسىردى.
پرەزيدەنتتٸڭ ايتۋىنشا, مۇنداي تالداۋ قۇرىلىس جۇمىستارىن حالىقتىڭ ناقتى سۇرانىسىنا ساي جوسپارلاۋعا مٷمكٸندٸك بەرەدٸ.
