قازاقستاندا شاعىن جەنە ورتا بيزنەس ٶكٸلدەرٸنە قاتىستى سالىقتىق بەرەشەكتەر بويىنشا جەڭٸلدٸك شارالارى قولعا الىنباق. ٷكٸمەت "تازا پاراق" قاعيداتىن ٸسكە قوسىپ, 2026 جىلعى 1 قاڭتارعا دەيٸن قالىپتاسقان ٶسٸمپۇلدار مەن ايىپپۇلداردى ەسەپتەن شىعارۋدى جوسپارلاپ وتىر. ول ٷشٸن كەسٸپكەرلەر نەگٸزگٸ سالىق قارىزىن 1 سەۋٸرگە دەيٸن ٶتەۋٸ تيٸس, دەپ حابارلايدى Dalanews.kz.
بۇل شەشٸم سالىقتىق ەكٸمشٸلەندٸرۋدٸ قايتا قاراۋ اياسىندا قابىلدانىپ, بيزنەستٸڭ قارجىلىق جٷكتەمەسٸن تٶمەندەتۋگە باعىتتالعان. تيٸستٸ ەرەجەلەر قاڭتار ايىندا قوعامدىق تالقىلاۋعا ۇسىنىلدى, ال ولاردىڭ اقپان ايىنىڭ باسىندا كٷشٸنە ەنۋٸ كٷتٸلٸپ وتىر.
سونىمەن قاتار ورتا جەنە شاعىن بيزنەسكە قاتىستى باقىلاۋ مەن تەكسەرۋ تالاپتارى جەڭٸلدەتٸلەدٸ. اتاپ ايتقاندا, 2026 جىلعا دەيٸنگٸ سالىقتىق كەزەڭدەر ٷشٸن تاپسىرىلعان ەسەپتٸلٸك 2025 جىلعى 17 جەلتوقسانعا دەيٸن بەرٸلٸپ, كەيٸن ٶزگەرتٸلمەگەن بولسا, وعان قاتىستى كامەرالدىق باقىلاۋ جٷرگٸزٸلمەيدٸ.
ٶتكەن جىلدار بويىنشا سالىقتىق تەكسەرۋلەر دە جالپى العاندا توقتاتىلادى. مۇنداي تەكسەرۋلەر تەك قىلمىستىق ٸستەر, پروكۋراتۋرانىڭ تالاپتارى, قارسى تەكسەرۋلەر نەمەسە سالىق تٶلەۋشٸنٸڭ ٶز ٶتٸنٸشٸ بولعان جاعدايدا عانا جٷرگٸزٸلەدٸ.
بۇدان بٶلەك, 2026 جىلعى 1 قاڭتارعا دەيٸن جاسالعان مەمٸلەلەر مەن تٸركەۋلەردٸ جارامسىز دەپ تانۋ جٶنٸندەگٸ سوت تالاپتارىن قويۋ تەجٸريبەسٸ توقتاتىلادى, ەگەر ولار قۇقىق قورعاۋ ورگاندارىنىڭ ماتەريالدارىنا بايلانىستى بولماسا.
2026 جىلدان باستاپ ققس بويىنشا ۋاقىتىندا تٸركەلمەگەنٸ, سول كەزەڭدەگٸ اينالىمدار مەن ٶتكەن جىلدار ٷشٸن ەسەپتٸلٸك تاپسىرماعانى ٷشٸن ەكٸمشٸلٸك ٸس قوزعالمايدى.
سونىمەن بٸرگە قارجى مينيسترلٸگٸ 2026 جىل بويى ميكرو جەنە شاعىن بيزنەسكە ٶسٸمپۇلدار مەن ايىپپۇلداردى مٷلدە ەسەپتەمەۋ مٷمكٸندٸگٸن قاراستىرىپ جاتىر.
