ەكس-مينيستر قۋاندىق بيشٸمباەۆتىڭ اناسى ٶزٸنٸڭ تۋىسىنا قارسى سوتقا جٷگٸنٸپ, ونى 1 ميلليون دوللاردى يەمدەندٸ دەپ ايىپتادى, دەپ حابارلايدى Dalanews.kz.
ٸس اسا ٸرٸ كٶلەمدەگٸ الاياقتىق بابى بويىنشا قارالىپ جاتىر. ايىپ تاعىلعان ەيەل ٶز كٸنەسٸن مويىندامايدى. ونىڭ ادۆوكاتىنىڭ ايتۋىنشا, بۇل – وتباسىلىق جانجال, ال تالاپ ارىز نٷكەنوۆا ٸسٸ بويىنشا بيشٸمباەۆتار وتباسىنا “كٶمەكتەسۋدەن” باس تارتقاننان كەيٸن پايدا بولعان.
بيشٸمباەۆتىڭ اناسىن قورعاۋشى ەرلان عازىمجانوۆ SHYNDYK.KZ-كە سوت پروتسەسٸنٸڭ مەن-جايىن ايتىپ بەرگەن.
«تەرگەۋ نۇسقاسى بويىنشا, 2023 جىلدىڭ جەلتوقسانىندا كەمەلوۆا قۋاندىق بيشٸمباەۆتىڭ ٸسٸنە بايلانىستى نۇرلىبەكوۆانىڭ اۋىر ەموتسيونالدىق كٷيٸن پايدالانىپ, وعان سىبايلاس جەمقورلىققا قارسى قىزمەتتٸڭ بولاشاقتا تٸنتۋ جٷرگٸزەتٸنٸ تۋرالى ويدان شىعارىلعان ەڭگٸمەنٸ ايتىپ, ٸرٸ كٶلەمدەگٸ اقشانى ٶزٸنە بەرۋگە سەندٸرگەن», - دەدٸ عازىمجانوۆ.
ادۆوكاتتىڭ ايتۋىنشا, سوت وتىرىسى ايىپتالۋشىعا ايىپتاۋ اكتٸسٸ ۋاقىتىندا تابىستالماعاندىقتان كەيٸنگە قالدىرىلعان. كەلەسٸ تىڭداۋ 13 قاراشادا ٶتەدٸ. وندا جەبٸرلەنۋشٸدەن جاۋاپ الۋ جوسپارلانىپ وتىر.
«مەنٸڭ ويىمشا, كەمەلوۆا دا گراچەۆا سيياقتى ‘جەڭٸل جولمەن پايدا تابۋعا’ تىرىستى. بٸراق ونى دا سول تاعدىر كٷتٸپ تۇر دەپ ەسەپتەيمٸن. ەسكە سالا كەتەيٸن, گراچەۆا بۇعان دەيٸن بيشٸمباەۆتار وتباسىنان 100 ميلليون تەڭگە ۇرلاماق بولعانى ٷشٸن 10 جىلعا باس بوستاندىعىنان ايىرىلعان», - دەپ اتاپ ٶتتٸ قورعاۋشى.
ايتا كەتەيٸك, ايىپتالۋشىنىڭ مٷددەسٸن نٷكەنوۆا ٸسٸ بويىنشا بيشٸمباەۆقا قارسى سوت پروتسەسٸندە نٷكەنوۆتەر وتباسىن قورعاعان سول ادۆوكات قورعاپ جاتىر.
