Eks-ministr Qýandyq Bishimbaevtyń anasy óziniń týysyna qarsy sotqa júginip, ony 1 million dollardy iemdendi dep aiyptady, dep habarlaidy Dalanews.kz.
Is asa iri kólemdegi alaiaqtyq baby boiynsha qaralyp jatyr. Aiyp taǵylǵan áiel óz kinásin moiyndamaidy. Onyń advokatynyń aitýynsha, bul – otbasylyq janjal, al talap aryz Núkenova isi boiynsha Bishimbaevtar otbasyna “kómektesýden” bas tartqannan keiin paida bolǵan.
Bishimbaevtyń anasyn qorǵaýshy Erlan Ǵazymjanov SHYNDYK.KZ-ke sot protsesiniń mán-jaiyn aityp bergen.
«Tergeý nusqasy boiynsha, 2023 jyldyń jeltoqsanynda Kemelova Qýandyq Bishimbaevtyń isine bailanysty Nurlybekovanyń aýyr emotsionaldyq kúiin paidalanyp, oǵan Sybailas jemqorlyqqa qarsy qyzmettiń bolashaqta tintý júrgizetini týraly oidan shyǵarylǵan áńgimeni aityp, iri kólemdegi aqshany ózine berýge sendirgen», - dedi Ǵazymjanov.
Advokattyń aitýynsha, sot otyrysy aiyptalýshyǵa aiyptaý aktisi ýaqytynda tabystalmaǵandyqtan keiinge qaldyrylǵan. Kelesi tyńdaý 13 qarashada ótedi. Onda jábirlenýshiden jaýap alý josparlanyp otyr.
«Meniń oiymsha, Kemelova da Gracheva siiaqty ‘jeńil jolmen paida tabýǵa’ tyrysty. Biraq ony da sol taǵdyr kútip tur dep esepteimin. Eske sala keteiin, Gracheva buǵan deiin Bishimbaevtar otbasynan 100 million teńge urlamaq bolǵany úshin 10 jylǵa bas bostandyǵynan aiyrylǵan», - dep atap ótti qorǵaýshy.
Aita keteiik, aiyptalýshynyń múddesin Núkenova isi boiynsha Bishimbaevqa qarsy sot protsesinde Núkenovter otbasyn qorǵaǵan sol advokat qorǵap jatyr.
