مەسكەۋدە «قازاقستان تەمٸر جولى» ۇلتتىق كومپانيياسى» اق باسقارما تٶراعاسى تالعات الدىبەرگەنوۆ پەن «رەسەي تەمٸر جولدارى» ااق باس ديرەكتورى – باسقارما تٶراعاسى ولەگ بەلوزەروۆتىڭ جۇمىس كەزدەسۋٸ ٶتتٸ, دەپ حابارلايدى Dalanews.kz.
كەزدەسۋدە تاراپتار 2024 جىلدىڭ قاراشاسىندا استانادا قول قويىلعان كەلٸسٸمنٸڭ ورىندالۋ بارىسىن تالقىلاپ, ستراتەگييالىق ەرٸپتەستٸكتٸ كٷشەيتۋ باعىتىن قۋاتتادى.
كەلٸسسٶز نەتيجەسٸندە مەملەكەتارالىق تٷيٸسپە بەكەتتەرٸندەگٸ جۇمىستى جەتٸلدٸرۋدٸ كٶزدەيتٸن حاتتاماعا قول قويىلدى. ۆاگون اعىندارىنىڭ باعىتى ٶزگەرەدٸ, پويىزداردى قابىلداۋ جەنە تاپسىرۋ تەحنولوگيياسى اۆتوماتتاندىرىلادى, ۆاگونداردى قىزمەت كٶرسەتۋ كەپٸلدٸك ارالىعى ۇلعايادى.
بولجام بويىنشا, جىلدىڭ ەكٸنشٸ جارتىسىندا تەۋلٸگٸنە بەرٸلۋٸ تيٸس پويىزدار سانى 30%-عا ارتىپ, 65 جۇپتان 85 جۇپقا دەيٸن جەتپەك. سونداي-اق تاراپتار 2026–2027 جىلدارعا ارنالعان مەملەكەتارالىق تٷيٸسپە بەكەتتەرٸن دامىتۋ بويىنشا سينحروندالعان جوسپاردى كەلٸستٸ.
كەزدەسۋ بارىسىندا «سولتٷستٸك – وڭتٷستٸك» حالىقارالىق كٶلٸك دەلٸزٸنٸڭ شىعىس باعىتى بويىنشا تاسىمالدى كەڭەيتۋ, اسوۋپ-2 جوباسى اياسىندا اقپاراتتىق جٷيەلەردٸ بٸرٸكتٸرۋ, قىتاي – ەۋروپا باعىتى بويىنشا ترانزيتتٸك تاسىمالدى اۆتوماتتاندىرۋ, سونداي-اق ترانزيتتٸك دەكلاراتسييالاردى اۆتوماتتى رەجيمدە رەسٸمدەۋ جەنە ولاردى رەسەي مەن بەلارۋس تەمٸر جولدارىنىڭ اقپاراتتىق جٷيەلەرٸمەن ينتەگراتسييالاۋ مەسەلەلەرٸ كٶتەرٸلدٸ.
تاراپتار 2026 جىلعا پويىزداردى قابىلداۋ/تاپسىرۋ جەنە تاسىمال كٶلەمٸن ۇلعايتۋ مەسەلەسٸن بٸرلەسكەن جۇمىس توبىنىڭ وتىرىسىنا شىعارۋعا ۋاعدالاستى.
قازاقستاندىق تاراپ بيىل دوستىق–مويىنتى باعىتىنىڭ قۇرىلىسى, الماتى تورابىنىڭ اينالما تەمٸر جولى جەنە ٷش مىڭ شاقىرىمنان استام قولدانىستاعى جەلٸلەردٸ جاڭعىرتۋ جۇمىستارى اياقتالاتىنىن اتاپ ٶتتٸ. بۇل قتج-نىڭ ٶتكٸزۋ قابٸلەتٸن ايتارلىقتاي ارتتىرادى.
– ستراتەگييالىق ەرٸپتەستٸك تۋرالى كەلٸسٸمدٸ ٸسكە اسىرۋ مەن مەملەكەتارالىق تەمٸرجول تٷيٸسپەلەرٸندەگٸ بٸرلەسكەن جۇمىس اياسىنداعى كونسترۋكتيۆتٸ ىنتىماقتاستىعىمىز تاسىمال كٶلەمٸنٸڭ تۇراقتى ٶسۋٸن قامتاماسىز ەتٸپ, پويىز الماسۋدى 2025 جىلدىڭ العاشقى جارتىجىلدىعىمەن سالىستىرعاندا 30%-عا – 85 جۇپقا دەيٸن ۇلعايتادى دەپ سەنەمٸن. سونىمەن قاتار بٸز ٸرٸ ينفراقۇرىلىمدىق جوبالاردى, تەمٸرجول تاسىمالىن تسيفرلاندىرۋ مەن اۆتوماتتاندىرۋ شارالارىن بەلسەندٸ ٸسكە اسىرىپ جاتىرمىز. اتاپ ايتقاندا, ترانزيتتٸك دەكلاراتسييالاردى اۆتوماتتى رەجيمدە رەسٸمدەۋ – بۇل بٸزدٸڭ كٶلٸك-اقپاراتتىق جٷيەلەرٸمٸزدٸڭ اشىقتىعىن, دامۋىن جەنە ينتەگراتسيياسىن قامتاماسىز ەتەتٸن بەرٸك نەگٸز, – دەدٸ تالعات الدىبەرگەنوۆ.
ايتا كەتەيٸك, جٷك تاسىمالى كٶلەمٸ تۇراقتى ٶسٸپ كەلەدٸ. 2025 جىلدىڭ العاشقى التى ايىندا 45 ميلليون توننادان استام جٷك تاسىمالدانعان – بۇل ٶتكەن جىلدىڭ سەيكەس كەزەڭٸمەن سالىستىرعاندا 4,1%-عا كٶپ. كونتەينەرلٸك ترانزيت 273,3 مىڭ دفە-نٸ قۇراپ, 2024 جىلمەن سالىستىرعاندا 18%-عا ٶستٸ.
