قازاقستان ۇكىمەتى، ق ر ۇلتتىق بانكى جانە Tristan Oil جەتەكشى كرەديتورلارىنىڭ قولداۋىنداعى ستاتي تاراپى قازاقستانداعى مۇناي-گاز اكتيۆتەرى تۋرالى ۇزاققا سوزىلعان داۋدى رەتتەۋ پروسەسىن ءساتتى اياقتادى، دەپ جازادى Dalanews.kz.
بۇل تۋرالى بۇگىن، ق ر ادىلەت مينيسترلىگى حابارلادى.
"قول قويىلعان تۇپكىلىكتى رەتتەۋ تۋرالى بۇل كەلىسىم بارلىق اعىمداعى داۋلاردى بولاشاقتا قايتا قوزعاۋ قۇقىعىنسىز دوعارۋعا نەگىز بولىپ تابىلادى. كەلىسىمنىڭ ناقتى شارتتارى قۇپيا قالدىرىلادى"، دەلىنگەن مينيسترلىك حابارلاماسىندا.
CEO Argentem Creek Partners دەنيەل چاپمان بۇل رەتتەۋ جۇمىسى بارلىق تاراپتار ءۇشىن ماسەلەنى ءادىل شەشۋ جولىن ىزدەۋ ماقساتىندا قازاقستان رەسپۋبليكاسى قابىلداعان ءتاسىلدى، بۇل اتالعان ەل ينۆەستوردىڭ قۇقىقتارى ساقتالاتىن ورىن بولىپ تابىلاتىنىن اتاپ كورسەتەدى.
"ءبىز پرەزيدەنت قاسىم-جومارت توقايەۆقا شەتەلدىك ينۆەستورلاردىڭ قازاقستان تۋرالى تۇسىنىگىن وزگەرتۋدەگى كوشباسشىلىعى ءۇشىن العىس ايتامىز. ءبىز بولاشاقتا جاڭا جوبالارمەن جۇمىس ىستەۋدى اسىعا كۇتەمىز"، - دەدى ول.
Argentem Creek Partners – ستاتي تاراپتارىنىڭ ينۆەستيسيالىق قۇرالى - Tristan Oil Limitedء-تىڭ كرەديتورلارى بولىپ تابىلاتىن ناقتى قورلاردىڭ ينۆەستيسيالىق باسقارۋشىسى.
"ۇزاققا سوزىلعان داۋ-دامايعا نۇكتە قويىلعاننان كەيىن قازاقستاندا ەكونوميكانى دامىتۋ ءۇشىن، ونىڭ ىشىندە ينۆەستيسيالار تارتۋ ارقىلى، قوسىمشا مۇمكىندىكتەر پايدا بولادى. بۇل رەتتە، مەن بۇرىن اتاپ وتكەندەي، رەسپۋبليكالىق بيۋدجەتتەن رەتتەۋ شەڭبەرىندە قاراجات پايدالانىلمادى"، - دەدى ادىلەت ءمينيسترى ازامات ەسقارايەۆ.
ايتا كەتەلىك، 2018 جىلدىڭ قاڭتار ايىنىڭ باسىندا امستەردام سوتى مولدوۆان كاسىپكەرىنىڭ شاعىمى بويىنشا، "سامۇرىق-قازىنا" ۇلتتىق ءال-اۋقات قورىنا تيەسىلى KMG Kashagan BV گوللاند كومپانياسىنىڭ 5،2 ملرد دوللار بولاتىن اكسياسىن بۇعاتتاۋ تۋرالى شەشىمىن وزگەرىسسىز قالدىردى.
ال بۇل سوت شەشىمى 2017 جىلدىڭ 8 قىركۇيەگىندە شىققان ەدى. ستوكگولم ساۋدا پالاتاسى باستاماسىمەن قۇرىلعان سوت قازاقستاندىق تاراپقا حالىقارالىق مىندەتتەمەلەرىن بۇزىپ، ستاتيگە زالال كەلتىرگەن ءۇشىن 500 ميلليوننان استام دوللار تولەۋدى مىندەتتەگەن. ال جەلتوقسان ايىندا ۇلتتىق قوردىڭ اكتيۆىنە قىزمەت كورسەتەتىن Bank of New York Mellon قازاقستان ۇلتتىق قورىنىڭ 22 ميلليارد دوللارىن بۇعاتتاعان ەدى.
ودان سوڭ ۇلتتىق قوردىڭ اقشاسىن رەتتەۋشى ۇلتتىق بانك ەلىمىزدىڭ اتىنان قارسى شاعىم تۇسىرگەنىن مالىمدەدى. بىزگە بەلگىلى بولعانداي،قازاقستان مولدوۆان كاسىپكەرى ستاتي مەن ونىڭ سىبايلاستارىن الاياقتىق ارەكەتتەرى ءۇشىن "ۇجىمداسقان قىلمىسپەن جانە سىبايلاس جەمقورلىقپەن كۇرەس تۋرالى" اقش زاڭى اياسىندا جازاعا تارتۋدى سۇرادى.
اناتولي ستاتي "ءبىز قازاقستاننان وتەماقىنى اسىقپاي، ءبىراق سەنىمدى تۇردە ءوندىرتىپ جاتىرمىز. بىرنەشە جىل بۇرىن قازاقستاننىڭ 1 ميلليارد دوللاردىڭ جارتىسىن تولەپ قۇتىلاتىن مۇمكىندىگى بولىپ ەدى. ءبىراق وسى قوماقتى شىعىنداردان جەكە پايدا كورگەندەر باسقاشا شەشىم قابىلدادى"، – دەپ وتىرعان ەدى.
