قوستاناي قالاسىنداعى Allur زاۋىتىندا Chevrolet وnix اۆتوكولىكتەرىن ۇساق توراپتىق ءوندىرىسى (CKD) ىسكە قوسىلدى. رەسمي ستارتقا ق ر ونەركاسىپ جانە قۇرىلىس ءمينيسترى قانات شارلاپايەۆ پەن General Motors جانە UzAuto كومپانيالارىنىڭ توپ-مەنەدجەرلەرى قاتىستى.
جىلىنا 30 مىڭ اۆتوكولىك وندىرەتىن كاسىپورىندا 400 جاڭا جوعارى بىلىكتى جۇمىس ورنىن قۇرۋعا مۇمكىندىك بەرەدى. وسى رەتتە جوباعا 33،7 ملرد تەڭگە جۇمسالعانىن ايتا كەتۋىمىز كەرەك.
2022 جىلى General Motors كومپانياسىمەن قازاقستاندا Chevrolet CKDء-وندىرىسىن ۇيىمداستىرۋ تۋرالى كەلىسىمگە قول قويىلعانى ەسىمىزدە. ال 2022 جىلدىڭ 22 جەلتوقسانىندا قازاقستان پرەزيدەنتى قاسىم-جومارت توقايەۆ پەن وزبەكستان باسشىسى شاۆكات ميرزيويەۆ تەلەكوپىر ارقىلى جوبانى ىسكە قوسۋعا پارمەن بەرگەن بولاتىن.
شارا كەزىندە ق ر ونەركاسىپ جانە قۇرىلىس ءمينيسترى قانات شارلاپايەۆ ماشينا جاساۋ قازاقستان ءۇشىن ەكونوميكانىڭ ستراتەگيالىق ماڭىزدى باعىتى بولىپ تابىلاتىنىن، ال الەمدىك جەتەكشى وندىرۋشىمەن ونەركاسىپتىك كووپەراسيا قۇرۋ ەلدىڭ قارقىندى دامىپ كەلە جاتقان اۆتوكولىك سالاسىنا سەرپىن بەرەتىنىن اتاپ ءوتتى.
– بۇگىن بۇكىل قازاقستان ءوندىرىسى ءۇشىن وتە ماڭىزدى كۇن! مەن Allur زاۋىتىنىڭ قىزمەتكەرلەرىنە جەكە العىس ايتقىم كەلەدى. بۇگىن سىزدەردىڭ قولدارىڭىزبەن قازاقستاننىڭ يندۋستريالىق بولاشاعى قۇرىلۋدا. ءبىز ءۇشىن جانە General Motors ارىپتەستەرى ءۇشىن ءوندىرىستىڭ ودان ءارى ءوسۋى جانە لوكاليزاسيانى تەرەڭدەتۋ وتە ماڭىزدى، – دەدى قانات شارلاپايەۆ.
جوبانى ىسكە اسىرۋ ءۇشىن تەحنولوگيالىق شەشىمدەر مەن ونەركاسىپتىك جابدىقتاردىڭ جەتەكشى جەتكىزۋشىلەرى تارتىلدى. CKD وnix جاڭا وندىرىستىك كەشەنى قازاقستان ءۇشىن عانا ەمەس، ورتالىق ازيا ەلدەرى ءۇشىن دە بىرەگەي. جوبانىڭ ىسكە قوسىلۋىمەن Allur زاۋىتى قازاقستاننىڭ اۆتوكولىك يندۋسترياسىنىڭ ەڭ اۆتوماتتاندىرىلعان كاسىپورنى مارتەبەسىن بەكىتتى.
Chevrolet وnix وندىرىسىندە General Motors ساپا ستاندارتتارىنا سايكەس كەلەتىن جوعارى ساپالى جانە جوعارى دالدىكتەگى لازەرلىك تىگىستى قامتاماسىز ەتەتىن روبوتتاندىرىلعان لازەرلىك دانەكەرلەۋ تەحنولوگياسى قولدانىلادى.
قازىرگى ۋاقىتتا زاماناۋي روبوتتاندىرىلعان جابدىقتى قولدانۋ ارقىلى پروسەستەردى اۆتوماتتاندىرۋدىڭ جوعارى دەڭگەيىنە يە پلاستيكتى بوياۋ سەحىنىڭ قۇرىلىسى ءجۇرىپ جاتىر. سونىمەن قاتار، ەلىمىزدەگى العاشقى اۆتوكومپونەنتتەر وندىرەتىن لوكاليزاسيالىق ورتالىقتىڭ قۇرىلىسى بويىنشا جۇمىستار قارقىندى جۇرۋدە.
– ءبىزدىڭ كووپەراسيالىق ىنتىماقتاستىق اياسىندا ۇنەمى ءوسۋ مەن كەڭەيۋدىڭ جولدارىن ىزدەيمىز. UzAuto، Allur جانە GM ينۆەستيسيالارى مەن كۇش-جىگەرىنىڭ ارقاسىندا قوستانايدا Chevrolet Onix CKDء-وندىرىسىنىڭ باستالۋىنا قول جەتكىزدىك.
ءبىز جىلىنا 50 مىڭ اۆتوكولىك ءوندىرىسىنىڭ وسۋىنە قول جەتكىزدىك. ءقازىر قازاقستان الەمدەگى Chevrolet نارىعىنىڭ كولەمى بويىنشا جەتىنشى ورىندا تۇر. بۇل ءبىزدىڭ تابىستى سەرىكتەستىگىمىزدىڭ دالەلى، – دەدى General Motors International پرەزيدەنتى شيلپان امين.
General Motors كومپانياسىنىڭ اتقارۋشى ۆيسە-پرەزيدەنتى جانە جاھاندىق نارىقتاردىڭ پرەزيدەنتى روري حارۆي ءوز كەزەگىندە ونەركاسىپتىك كووپەراسيا قاتىسۋشىلارىنا قازاقستانداعى Chevrolet برەندى اۆتوكولىكتەرىنىڭ قاجىرلى ەڭبەگى مەن ساپالى ءوندىرىسى ءۇشىن العىسىن ءبىلدىردى.
وتكەن جىلى Allur ينجەنەرلەرى General Motors زاۋىتتارىندا 8 اي بويى بىلىكتىلىكتەرىن شىعداعان بولاتىن. كادرلاردى دايارلاۋ جونىندەگى ءىس-شارالار كەشەنى وندىرىستىك پروسەستەردىڭ نەگىزگى باعىتتارىن قامتيدى. قازىرگى ۋاقىتتا Allur قىزمەتكەرلەرى وقىتۋدىڭ بارلىق كەزەڭدەرىنەن ءوتىپ، كولىكتىڭ جاڭا مودەلىن شىعارۋ بىلىكتىلىگىنە يە بولعان.
Allur زاۋىتىنىڭ وپەراسيالىق ديرەكتورى ۆيتاليي حريست جاڭا جوبا بۇكىل ايماقتىڭ دامۋىنا وڭ اسەر ەتەتىنىن العا تارتتى. ايتقانداي، Chevrolet وnix ۇساق توراپتىق ءوندىرىسىنىڭ ىسكە قوسىلۋىمەن بىرگە Allur الەمدىك اۆتووندىرۋشىلەردىڭ باعا جەتپەس تاجىريبەسى مەن ۇزدىك تەحنولوگيالارىنا يە بولدى. بۇل زاۋىتقا ورتالىق ازياداعى ەڭ ءىرى كاسىپورىنداردىڭ ءبىرى مارتەبەسىن الۋعا مۇمكىندىك بەرەدى.
– وتكەن جىلى ءبىزدىڭ زاۋىتتىڭ كونۆەيەرلەرىنەن 90 مىڭنان استام اۆتوكولىك شىقتى. بۇل وتاندىق اۆتوكولىك جاساۋ ءۇشىن رەكوردتىق كورسەتكىش بولىپ تابىلادى. Chevrolet وnix جوباسىنىڭ ىسكە قوسىلۋى مۋلتيپليكاتيۆتى اسەر ەتەتىنى ءسوزسىز. ويتكەنى ماشينا جاساۋدا ءبىر جۇمىس ورنىن قۇرۋ ارالاس سالالاردا بەس-التى جۇمىس ورنىنىڭ پايدا بولۋىنا اكەلەدى، – دەپ اتاپ ءوتتى ۆيتاليي حريست.
