Qostanai qalasyndaǵy Allur zaýytynda Chevrolet Onix avtokólikterin usaq toraptyq óndirisi (CKD) iske qosyldy. Resmi startqa QR Ónerkásip jáne qurylys ministri Qanat Sharlapaev pen General Motors jáne UzAuto kompaniialarynyń top-menedjerleri qatysty.
Jylyna 30 myń avtokólik óndiretin kásiporynda 400 jańa joǵary bilikti jumys ornyn qurýǵa múmkindik beredi. Osy rette jobaǵa 33,7 mlrd teńge jumsalǵanyn aita ketýimiz kerek.
2022 jyly General Motors kompaniiasymen Qazaqstanda Chevrolet CKD-óndirisin uiymdastyrý týraly kelisimge qol qoiylǵany esimizde. Al 2022 jyldyń 22 jeltoqsanynda Qazaqstan Prezidenti Qasym-Jomart Toqaev pen Ózbekstan basshysy Shavkat Mirziioev telekópir arqyly jobany iske qosýǵa pármen bergen bolatyn.
– Búgin búkil Qazaqstan óndirisi úshin óte mańyzdy kún! Men Allur zaýytynyń qyzmetkerlerine jeke alǵys aitqym keledi. Búgin sizderdiń qoldaryńyzben Qazaqstannyń indýstriialyq bolashaǵy qurylýda. Biz úshin jáne General Motors áriptesteri úshin óndiristiń odan ári ósýi jáne lokalizatsiiany tereńdetý óte mańyzdy, – dedi Qanat Sharlapaev.
Jobany iske asyrý úshin tehnologiialyq sheshimder men ónerkásiptik jabdyqtardyń jetekshi jetkizýshileri tartyldy. CKD Onix jańa óndiristik kesheni Qazaqstan úshin ǵana emes, Ortalyq Aziia elderi úshin de biregei. Jobanyń iske qosylýymen Allur zaýyty Qazaqstannyń avtokólik indýstriiasynyń eń avtomattandyrylǵan kásiporny mártebesin bekitti.
Chevrolet Onix óndirisinde General Motors sapa standarttaryna sáikes keletin joǵary sapaly jáne joǵary dáldiktegi lazerlik tigisti qamtamasyz etetin robottandyrylǵan lazerlik dánekerleý tehnologiiasy qoldanylady.
Qazirgi ýaqytta zamanaýi robottandyrylǵan jabdyqty qoldaný arqyly protsesterdi avtomattandyrýdyń joǵary deńgeiine ie plastikti boiaý tsehynyń qurylysy júrip jatyr. Sonymen qatar, elimizdegi alǵashqy avtokomponentter óndiretin Lokalizatsiialyq ortalyqtyń qurylysy boiynsha jumystar qarqyndy júrýde.
Biz jylyna 50 myń avtokólik óndirisiniń ósýine qol jetkizdik. Qazir Qazaqstan álemdegi Chevrolet naryǵynyń kólemi boiynsha jetinshi orynda tur. Bul bizdiń tabysty seriktestigimizdiń dáleli, – dedi General Motors International Prezidenti Shilpan Amin.
General Motors kompaniiasynyń atqarýshy vitse-prezidenti jáne jahandyq naryqtardyń Prezidenti Rori Harvi óz kezeginde ónerkásiptik kooperatsiia qatysýshylaryna Qazaqstandaǵy Chevrolet brendi avtokólikteriniń qajyrly eńbegi men sapaly óndirisi úshin alǵysyn bildirdi.
Ótken jyly Allur injenerleri General Motors zaýyttarynda 8 ai boiy biliktilikterin shyǵdaǵan bolatyn. Kadrlardy daiarlaý jónindegi is-sharalar kesheni óndiristik protsesterdiń negizgi baǵyttaryn qamtidy. Qazirgi ýaqytta Allur qyzmetkerleri oqytýdyń barlyq kezeńderinen ótip, kóliktiń jańa modelin shyǵarý biliktiligine ie bolǵan.
Allur zaýytynyń operatsiialyq direktory Vitalii Hrist jańa joba búkil aimaqtyń damýyna oń áser etetinin alǵa tartty. Aitqandai, Chevrolet Onix usaq toraptyq óndirisiniń iske qosylýymen birge Allur álemdik avtoóndirýshilerdiń baǵa jetpes tájiribesi men úzdik tehnologiialaryna ie boldy. Bul zaýytqa Ortalyq Aziiadaǵy eń iri kásiporyndardyń biri mártebesin alýǵa múmkindik beredi.
– Ótken jyly bizdiń zaýyttyń konveierlerinen 90 myńnan astam avtokólik shyqty. Bul otandyq avtokólik jasaý úshin rekordtyq kórsetkish bolyp tabylady. Chevrolet Onix jobasynyń iske qosylýy mýltiplikativti áser etetini sózsiz. Óitkeni mashina jasaýda bir jumys ornyn qurý aralas salalarda bes-alty jumys ornynyń paida bolýyna ákeledi, – dep atap ótti Vitalii Hrist.
