قوستانايدا ۋاقىتشا بەيىمدەۋ جانە دەتوكسيكاسيا ورتالىعىنىڭ قىزمەتكەرى جاسى ۇلكەن ەر ادامدى قاتىگەزدىكپەن سوققىعا جىققان، دەپ حابارلايدى Dalanews.kz.
قارت كىسىنىڭ سوققىعا جىعىلعان ءساتى تۇسىرىلگەن ۆيدەونى ونىڭ قىزى جاريالادى. ايتۋىنشا، 27 شىلدە كۇنى 61 جاستاعى اكەسىن اتالعان ورتالىققا جەتكىزگەن. سول جەردە مەديسينا قىزمەتكەرى ونى ۇرىپ-سوققان. قىزىنىڭ ايتۋىنشا، اكەسىنىڭ كامەرادا تەمەكى تۇتاتقانىن سەبەپ قىلىپ، وعان قول كوتەرگەن. سالدارىنان ەر ادام اۋىر جاراقات الىپ، قابىرعالارى سىنعان ءارى بۇيرەگىنە زاقىم كەلگەن. كەيىن دارىگەرلەر زاقىمدانعان بۇيرەگىن الىپ تاستاۋعا ءماجبۇر بولعان.
قوستاناي وبلىستىق پوليسيا دەپارتامەنتى كۇدىكتىنىڭ ۇستالىپ، ۋاقىتشا ۇستاۋ يزولياتورىنا قاماۋعا الىنعانىن حابارلادى.
“بيىلعى جىلدىڭ شىلدە ايىندا قاساقانا اۋىر دەنە جاراقاتىن كەلتىرۋ دەرەگى بويىنشا قىلمىستىق ءىس قوزعالدى. قازىرگى ۋاقىتتا بارلىق قاجەتتى تەرگەۋ امالدارى جۇرگىزىلۋدە”، – دەلىنگەن پوليسيانىڭ رەسمي حابارلاماسىندا.
جاقىن كۇندەرى قىلمىستىق ءىس ماتەريالدارى سوتقا جولدانباق.
ايتا كەتەيىك، بيىل شىلدە ايىندا قوستاناي قالاسىنىڭ اۋرۋحاناسىندا ناۋقاستاردىڭ ءبىرى وتادان شىققان دارىگەرگە شابۋىل جاساعان ەدى. دارىگەر جانساقتاۋ بولىمىنە ءتۇستى. ونىڭ باس سۇيەگى سىنعان، ميى شايقالىپ، اۋىر جاراقات العان. كەيىن ول مەديسينالىق اۆياسيا ارقىلى استاناعا جەتكىزىلدى.
