21 قازان كۇنى قوستاناي قالاسىندا تەلەكوپىر فورماتىندا Kia Qazaqstan زاۋىتىنىڭ رەسمي ىسكە قوسىلۋ ءراسىمى ءوتتى، دەپ حابارلايدى Dalanews.kz.
ءىس-شارا بارىسىندا مەملەكەت باسشىسى قاسىم-جومارت توقايەۆ KIA Corporation پرەزيدەنتى حو-سۋنگ سونگتى «دوستىق» II دارەجەلى وردەنىمەن ماراپاتتادى.
– ءبىز ءسىزدىڭ قازاق-كورەي ىنتىماقتاستىعىن دامىتۋعا جانە حالقىمىز اراسىنداعى دوستىقتى نىعايتۋعا قوسقان ۇلەسىڭىزدى جوعارى باعالايمىز. ءسىز ەلىمىزدىڭ اۆتوموبيل ونەركاسىبىنىڭ قالىپتاسۋىنا زور ۇلەس قوستىڭىز، – دەدى پرەزيدەنت.
ماراپاتتاۋ ءراسىمى مەملەكەت باسشىسىنىڭ جەكە تاپسىرماسى بويىنشا پرەمەر-مينيستردىڭ ءبىرىنشى ورىنباسارى رومان سكلياردىڭ قاتىسۋىمەن ءوتتى.
