21 қазан күні Қостанай қаласында телекөпір форматында Kia Qazaqstan зауытының ресми іске қосылу рәсімі өтті, деп хабарлайды Dalanews.kz.
Іс-шара барысында Мемлекет басшысы Қасым-Жомарт Тоқаев KIA Corporation президенті Хо-сунг Сонгты «Достық» II дәрежелі орденімен марапаттады.
– Біз Сіздің қазақ-корей ынтымақтастығын дамытуға және халқымыз арасындағы достықты нығайтуға қосқан үлесіңізді жоғары бағалаймыз. Сіз еліміздің автомобиль өнеркәсібінің қалыптасуына зор үлес қостыңыз, – деді Президент.
Марапаттау рәсімі Мемлекет басшысының жеке тапсырмасы бойынша Премьер-Министрдің бірінші орынбасары Роман Склярдың қатысуымен өтті.
