قوستاناي وبلىسىندا پوليسيانىڭ ەكس-قىزمەتكەرى سينتەتيكالىق ەسىرتكى تاراتقانى ءۇشىن 15 جىلعا باس بوستاندىعىنان ايىرىلدى، Dalanews.kz.

قوستاناي قالاسى پب ەسىرتكى قىلمىسىنا قارسى كۇرەس ءبولىمى باستىعىنىڭ ەكس-ورىنباسارى تەرگەۋ كەزىندە انىقتالماعان پوليسيا قىزمەتكەرلەرىمەن بىرلەسە وتىرىپ، دەنساۋلىعىنا زيان كەلتىرۋ جانە قورقىتۋ ارقىلى ءبىر ازاماتتى ەكىنشىسىن اسا اۋىر قىلمىس جاساۋعا يتەرمەلەۋگە ماجبۇرلەگەن، سودان كەيىن ونى اشكەرەلەپ، قىلمىستىق جاۋاپكەرشىلىككە تارتۋدى كوزدەگەن.

لاۋازىمدى تۇلعا قىزمەتتىك كولىكتە وتىرىپ، قىلمىستىق ارەكەتكە قاتىسۋشى كەيپىندە كەلگەن ادامعا اسا ءىرى كولەمدە پسيحوتروپتىق زاتتار مەن ولاردىڭ انالوگتارىن بىرنەشە رەت زاڭسىز وتكىزگەن.

تەكسەرۋ بارىسىندا ونىڭ اۆتوكولىگىنىڭ سالونىنان اسا ءىرى كولەمدە وتكىزۋ ماقساتىندا زاڭسىز ساقتاپ، تاسىمالداپ جۇرگەن گاشيش پەن مەتكاتينون (پسيحوتروپتىق زاتتىڭ انالوگى) تابىلىپ، تاركىلەندى.

سوتتالۋشى ءوز كىناسىن مويىندامادى، ونىڭ قورعاۋشىلارى ونىڭ ارەكەتىندە قىلمىس قۇرامىنىڭ بولماۋىنا بايلانىستى اقتاۋدى سۇرادى.

"سوتتالۋشىنىڭ كىناسى جابىرلەنۋشىلەردىڭ، كۋالاردىڭ ايعاقتارىمەن، تەرگەۋ ارەكەتتەرىنىڭ حاتتامالارى مەن بەينەماتەريالدارىمەن، سوت ساراپتاماسىنىڭ قورىتىندىلارىمەن جانە باسقا دا ءىس ماتەريالدارىمەن تولىق دالەلدەندى"، - دەپ جازىلعان حابارلامادا.

سوتتالۋشىنىڭ اسىراۋىندا كامەلەتكە تولماعان بالالاردىڭ بولۋى جاۋاپتىلىقتى جەڭىلدەتەتىن ءمان-جايلار دەپ تانىلدى. اۋىرلاتاتىن فاكتورلار انىقتالماعان.

سوتتالۋشىنىڭ جەكە باسىن، ىس-ارەكەتىنىڭ سيپاتى مەن قوعامدىق قاۋىپتىلىك دارەجەسىن، ءىستىڭ بارلىق ءمان-جايىن ەسكەرە وتىرىپ، سونداي-اق قك-نىڭ 55-بابىنىڭ 2-بولىگىنىڭ نورمالارىن قولدانا وتىرىپ، سوتتالۋشىعا 15 جىلعا باس بوستاندىعىنان ايىرۋ جازاسى بەرىلدى. ول مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرىلدى. "پوليسيا كاپيتانى" ارنايى اتاعى قايتارىلدى.

ۇكىم زاڭدى كۇشىنە ەنگەن جوق.