قوستانايدا دەنە شىنىقتىرۋ جانە سپورت باسقارماسىنىڭ “جوعارى سپورت شەبەرلىگى مەكتەبىنىڭ” شورت-ترەك جاتتىقتىرۋشىسى ەكى جىل بويى جارىسقا باراتىن بالالاردىڭ ءتىزىمىن ۇلعايتىپ كورسەتىپ، وعان بولىنگەن قاراجاتتى جىمقىرىپ كەلگەن، دەپ حابارالايدى Dalanews.kz.
ۇرلانعان بيۋدجەت قاراجاتىنىڭ سوماسى 5،9 ملن تەڭگەگە جەتكەن. كەيىن ۇرلانعان اقشانى دەپوزيتكە اۋدارىپ، تاعى دا ەسەلەپ كوبەيتىپ العان.
“دەپوزيت بويىنشا پايىزدىق سىياقى تۇرىندەگى جاريا ەتىلگەن قىلمىستىق كىرىس سوماسى 613،1 مىڭ تەڭگە”، - دەلىنگەن پروكۋراتۋرا حابارلاماسىندا.
ول جەتى جىلعا باس بوستاندىعىنان ايىرىلۋى مۇمكىن. قىلمىستىق ءىس قوستاناي قالاسىنىڭ №2 سوتىنا جولداندى.
