ەكٸمدٸك قالانىڭ ورتالىق ساياباعىندا پۋتيننٸڭ كەلۋٸن قۇپتامايتىن پيكەت ٶتكٸزۋدٸ جوسپارلاعان ەنەلگە سان تٷرلٸ سىلتاۋ ايتىپ, قارسىلىق اكتسيياسىن ٶتكٸزۋگە رۇقسات بەرمەگەن.
قوعام بەلسەندٸسٸ بۇعان دەيٸن وبلىس ەكٸمٸ قۇمار اقساقالوۆتىڭ اتىنا ەكٸ رەت حات جولداپ, پيكەت ٶتكٸزۋگە رۇقسات بەرۋدٸ تالاپ ەتكەن. الايدا ەكٸمدٸك ەكٸ رەتتە دە ٷزٸلدٸ-كەسٸلدە باس تارتىپتى. ەنەلدٸڭ سوتقا جٷگٸنۋدەن ٶزگە امالى قالماعان.
جاڭا قازاقستاندا قوعام بەلسەندٸلەرٸنٸڭ جاپپاي قۋدالانىپ جاتقانىنا الاڭداعان ەنەل العاشقى ٶتٸنٸشتٸ 7 مامىردا جولداعان ەكەن. الايدا قۇمار اقساقالوۆتىڭ كەڭسەسٸ ونىڭ اكتسيياسىن ەلەۋمەتتٸك ماڭىزدى مەسەلەلەردٸڭ ساناتىنا قوسپاي, كەرٸ ىسىرا سالعان.
كەيٸننەن رەسەي پرەزيدەنتٸنٸڭ ساپارىنا قارسىلىق بٸلدٸرٸپ, بٸر كٸسٸلٸك پيكەت ٶتكٸزۋ ٷشٸن تاعى دا ەكٸمدٸكتٸڭ تابالدىرىعىن توزدىرعان. بەلسەندٸ بٶگدە ەلدٸڭ پرەزيدەنتٸنە بولا قىرۋار قارجىنى تٶگٸپ-شاشىپ, قىپ-قىزىل شىعىنعا باتقالى وتىرعان قوستاناي ەكٸمدٸگٸنٸڭ شەشٸمٸن قۇپتامايدى.
ايتا كەتەلٸك, پۋتيننٸڭ كەلۋٸنە دايىندالىپ جاتقان قوستاناي ەكٸمدٸگٸ قالانى كٶرٸكتەندٸرۋگە 10 ملرد تەڭگە جۇمساماق. ٶڭٸر باسشىلىعى قازاقستان-رەسەي ايماقارالىق فورۋمىن ٶتكٸزۋگە دايىندالىپ جاتىر.
اقپاراتقا قاراعاندا, اتالعان سوما قالادا Smart-ورتالىق سالىپ, توبىل ساياباعىنىڭ سولتٷستٸك بٶلٸگٸن قايتا جٶندەۋگە جۇمسالماق. بۇعان قوسا, قارجى قالا كٶشەلەرٸن جارىقتاندىرۋعا, ايالداما پاۆيلوندارىن ورناتۋعا, كٶشەلەردٸ اباتتاندىرۋعا, سۋبۇرقاقتى جٶندەۋگە, 13 000 شارشى مەتر جەردٸڭ كٸرپٸشٸن الماستىرۋعا, جول مەن ٷيلەردٸ جٶندەۋگە دە جۇمسالادى.
قوعام بەلسەندٸسٸنٸڭ اتاپ ٶتكەنٸندەي, ٶتەتٸن دە كەتەتٸن فورۋمعا بولا شامادان تىس شىعىندانۋدىڭ قاجەتٸ جوق.
"وسى پٸكٸرٸمدٸ ەلگە جەتكٸزۋ ٷشٸن بٸر كٸسٸلٸك پيكەت ٶتكٸزۋدٸ جوسپارلاعان ەدٸم. ەكٸمدٸك بۇل جولى دا تٷرلٸ سىلتاۋ ايتىپ, ەسٸكتەن شىعارىپ سالدى. پۋتيننٸڭ كەلۋٸنە قارسى اكتسييا ٶتكٸزەتٸنٸمدٸ ەستەگٸندە ەكٸمدٸك قىزمەتكەرلەرٸندە زەرە قالمادى. ماعان بٸرٸنەن كەيٸن بٸرٸ قوڭىراۋ شالىپ, قوقان-لوقى كٶرسەتە باستادى. بۇل ەرەكەتٸمدٸ توقتاتپاسام, مۇنى سوڭى جاقسىلىققا ەكەلمەيدٸ دەپ ەسكەرتتٸ. مەن قىزمەت ٸستەيتٸن وقۋ ورنىنىڭ باسشىلىعىنا حابارلاسىپ, قىسىم كٶرسەتتٸ. ۋنيۆەرسيتەتتەگٸلەر بەلسەندٸلٸكپەن وقۋدى اياقتاعاننان كەيٸن اينالىسۋعا كەڭەس بەردٸ", - دەپ جازدى ەنەل ەليعازينا.
بەلسەندٸنٸڭ پۋتينگە قارسى پيكەت ٶتكٸزۋٸنە رۇقسات بەرمەگەن قوستاناي ەكٸمدٸگٸ "مۇنداي اكتسييانىڭ ەلەۋمەتتٸك ماڭىزى شامالى" دەگەن ۋەج ايتقان. كرەمل كٶسەمٸنٸڭ ساپارى قارساڭىندا بيۋدجەتتەن بٶلٸنەتٸن ميللياردتار بۇعان دەيٸن جوسپارلانىپ قويدى دەپ اقتالعان.
پۋتيننٸڭ قازاقستانعا ساپارى رەسەيدٸڭ ۋكرايناعا باسىپ كٸرۋٸنە بايلانىستى مەسكەۋ حالىقارالىق قاۋىمداستىقتان وقشاۋلانعان شاقتا جوسپارلانىپ وتىر. مەسكەۋ ۋكرايناعا قارسى سوعىس باستاعاننان كەيٸن ەلەم ليدەرلەرٸ الدىندا رەسەي پرەزيدەنتٸ ۆلاديمير پۋتين مەن سىرتقى ٸستەر مينيسترٸ سەرگەي لاۆروۆتىڭ سٷيكٸمٸ كەتكەن. باتىس ەلدەرٸ پۋتين مەن ونىڭ تٶڭٸرەگٸندەگٸ ادامدارعا قارسى دەربەس سانكتسييالار سالعان. ەلەم ليدەرلەرٸ باس قوساتىن سامميتتەرگە رەسەيدٸ شاقىرمايتىن بولعان.
