قوستاناي قالاسىندا پويىز ۆاگونىنا شىعىپ سۋرەتكە تٷسپەك بولعان جاسٶسپٸرٸم جوعارى كەرنەۋلٸ توققا تٷسٸپ, اۋىر جاراقات الدى. وسى وقيعادان كەيٸن ونىڭ زاڭدى قامقورشىسى كەمەلەتكە تولماعان بالانىڭ قاۋٸپسٸزدٸگٸن قامتاماسىز ەتپەگەنٸ ٷشٸن ەكٸمشٸلٸك جاۋاپكەرشٸلٸككە تارتىلدى, دەپ حابارلايدى dalanews.kz.
قوستاناي وبلىسىنىڭ كەمەلەتكە تولماعانداردىڭ ٸستەرٸ جٶنٸندەگٸ مامانداندىرىلعان اۋدانارالىق سوتى قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 127-بابىنىڭ 1-بٶلٸگٸ بويىنشا ازامات ب.-عا قاتىستى ٸستٸ قارادى. سوت ماتەريالدارىنا سەيكەس, 2010 جىلى تۋعان جاسٶسپٸرٸمنٸڭ قامقورشىسى بولىپ تابىلاتىن ازامات ب. بالانىڭ تەربيەسٸ مەن قاۋٸپسٸزدٸگٸن تيٸستٸ دەڭگەيدە قامتاماسىز ەتپەگەن.
2026 جىلعى 25 ماۋسىم كٷنٸ كەشكٸ ساعات 21:00 شاماسىندا جاسٶسپٸرٸم قوستاناي ستانتسيياسىنداعى وڭتٷستٸك تەمٸرجول پاركٸنٸڭ اۋماعىندا بولعان. ٸس ماتەريالدارىنا سەيكەس, ول سۋرەتكە تٷسۋ ماقساتىندا بايلانىس جەلٸسٸنٸڭ استىندا تۇرعان پويىز ۆاگونىنىڭ تٶبەسٸنە شىققان. سول سەتتە جوعارى كەرنەۋلٸ ەلەكتر توگىنا تٷسٸپ, اۋىر جاراقات العان.
دەرٸگەرلەر بالادان دەنەسٸنٸڭ 60 پايىزىن قامتىعان III دەرەجەلٸ كٷيٸكتەن بولعان شوكتى, سونداي-اق مۇرنى مەن تٸلٸنٸڭ سوعىلىپ جاراقاتتانعانىن انىقتاعان.
سوت وتىرىسىندا ازامات ب. ٶز كٸنەسٸن تولىق مويىندادى. ونىڭ ايتۋىنشا, جاسٶسپٸرٸمنٸڭ اناسى قايتىس بولعاننان كەيٸن جيەنٸنە زاڭدى قامقورشى بولعان. سوت ونى ەكٸمشٸلٸك قۇقىق بۇزۋشىلىق جاساعانى ٷشٸن كٸنەلٸ دەپ تانىپ, 43 250 تەڭگە كٶلەمٸندە ايىپپۇل سالدى. ايتا كەتەيٸك, سوت قاۋلىسى ەزٸرگە زاڭدى كٷشٸنە ەنگەن جوق.
