ماسانچي جەنە سورتٶبە اۋىلىندا تۇراتىن دۇنعاندار بيىلعا جەمٸس-جيدەك, كٶكٶنٸس ەكپەگەن. سەبەبٸ ەرتەڭگٸ كٷنگە سەنٸمدٸ ەمەس. ولار قاقتىعىس تاعى قايتالانادى دەپ قاۋٸپتەنەدٸ.
دۇنعانداردىڭ ٷرەيٸن سەيٸلتۋ ٷشٸن اتالعان ەكٸ اۋىلعا قوردايدىڭ ەكٸمٸ كەلٸپ كەتٸپ, جاعدايدى باقىلاۋدا ۇستاۋعا ۋەدە ەتكەن ەرٸ ٷيرەنشٸكتٸ كەسٸبٸنە قايتا كٶشۋگە شاقىرعان.
"ەيتسە دە قوردايدا تۇراتىن دۇنعان قاۋىمى باۋ-باقشا قامىنا ەلٸ كٸرٸسپەگەن, كٸرٸسكٸسٸ دە جوق. ەكٸمنٸڭ ۋەدەسٸ ولاردىڭ كٶكەيٸندەگٸ كٷدٸكتٸ سەيٸلتپەگەن", - دەيدٸ تٸلشٸ.
ال دۇنعانداردىڭ بٸرازى قازاقستاننان كەتكٸسٸ كەلەتٸنٸن ايتىپتى.
"ەكٸم كەلٸپ كەتتٸ. "باۋ-باقشا قامىنا كٸرٸسە بەرٸڭٸزدەر, قاۋٸپسٸزدٸكتٸ ساقتاۋ بٸزدٸڭ موينىمىزدا" دەپ سەندٸردٸ. سوندا دا بولسا كٷمەن كٶپ. بۇرىنعىداي ىنتا-ىقىلاس جوق. جەر ەمگەن جۇرت ەدٸك, ٶتكەن جولعى وقيعادان كەيٸن بەتٸمٸز قايتىپ قالدى. كٶپشٸلٸگٸ قازاقستاننان كٶشكٸسٸ كەلەدٸ. بالا-شاعاسىنا الاڭدايدى. بيلٸك ەندٸگەرٸ مۇندايعا جول بەرمەيمٸز دەپ وتىر. ەرتەرەك ويلانۋى كەرەك ەدٸ...", – دەگەن ەكەن قوردايدا تۇراتىن دۇنعان ازاماتى.
جەرگٸلٸكتٸ جۇرتتىڭ ايتۋىنشا سوڭعى ايدا قوردايدان 10 دۇنعان وتباسى كٶشٸپ كەتكەن جەنە بۇل باسى عانا. تٸلشٸمەن ساۋالداسقان دۇنعانداردىڭ بٸرازى قازاقستاننان كٶشۋگە تاس-تٷيٸن دايىن وتىرعانىن ايتقان.
بەت الىسى - رەسەيدٸڭ كراسنودار ايماعى, ساراتوۆ جەنە ۆولگوگراد وبلىسى.
"بٸرٸنشٸدەن, بۇل جاقتىڭ توپىراعى قۇنارلى. يگەرٸلمەي بوس جاتقان جەر, قاراۋسىز قالعان ەلدٸ-مەكەن كٶپ. ونىڭ ٷستٸنە اتالعان ايماقتاردا ازدى-كٶپتٸ دۇنعاندار تۇرادى. اعايىن-تۋىستىڭ جانىنا بارامىز.
قازاقستاننان كەتكەنمەن, اشتان ٶلمەسپٸز, كٶشتەن قالماسپىز. جەر ەمگەن جۇرتپىز, جوعالمايمىز", – دەپتٸ قوردايدا تۇراتىن تاعى بٸر دۇنعان ازاماتى.
"قازاقستاننان قونىس اۋدارعان جاعدايدا ٷيدٸ كٸمگە قالدىراسىز?" دەگەن تٸلشٸ ساۋالىنا: "ساتامىن. ساتىلماسا تراكتارمەن تاپتاپ, جەرمەن-جەكسەن ەتەمٸن. ەشكٸمگە بۇيىرماسىن..." دەپ جاۋاپ قاتقان.
...
1 ناۋرىز العىس ايتۋ كٷنٸ جامبىل وبلىسىنىڭ قورداي اۋدانىنا كەلگەن پرەزيدەنت توقاەۆ بۇل وقيعا مەملەكەتكە نۇقسان كەلتٸردٸ دەپ مەلٸمدەگەن.
"ەندٸ تۇتاس ۇلت بولىپ وسىنداي كەلەڭسٸزدٸكتەن ساباق الۋىمىز كەرەك. ەڭ الدىمەن, كەلەشەكتە مۇنداي قاسٸرەتتٸ بولدىرماۋ ٷشٸن تيٸستٸ شارا قولدانۋىمىز قاجەت, – دەپ اتاپ ٶتكەن پرەزيدەنت.
پرەزيدەنت تەرگەۋ جۇمىستارى زاڭعا سەيكەس جٷرگٸزٸلەتٸنٸن, زاڭ الدىندا بەرٸ تەڭ ەكەنٸن ايتىپ, قوردايداعى جەرگٸلٸكتٸ قىزمەتكەرلەردٸڭ پارا الۋ جەنە شەكارا ارقىلى زاڭسىز ساۋدا جاساۋ مەسەلەلەرٸن شەشۋدٸ تاپسىرعان.
– اۋداندا بٸر توپ ادام بەلسەندٸ تٷردە كونتراباندامەن اينالىسىپ جٷرگەن. بۇل – بەلگٸلٸ نەرسە. وسى ٸسكە باسقا توپ تا قاتىسقىسى كەلگەن.
بٸر سٶزبەن ايتساق, زاڭسىز تابىس كٶزٸ ٷشٸن ەكٸ قىلمىستىق توپتىڭ اراسىندا تەكەتٸرەس پايدا بولعان. بۇل تەكەتٸرەس سالدارىنان كٶپ ادام زارداپ شەكتٸ. 11 ادام قازا تاپتى.
ونى اشىق ايتۋ كەرەك. ەندٸ قۇقىق قورعاۋ ورگاندارىنىڭ الدىندا تۇرعان ماقسات – بارلىق قىلمىسكەرلەردٸ ۇلتىنا قاراماي, زاڭعا سەيكەس جازاعا تارتۋ. ونسىز ەلٸمٸزدە تەرتٸپ بولمايدى, – دەگەن بولاتىن توقاەۆ.
