بۇل تۋرالى پرەمەر-مينيستردٸڭ ورىنباسارى بەردٸبەك ساپارباەۆ باسپاسٶز مەسليحاتىندا ايتتى. ودان جۋرناليستەر «قارييانىڭ ەكٸ بالاسىن ۇرىپ-سوققاندار تۋرالى اقپارات بولدى, ولار ۇستالدى ما? قانداي جازاعا تارتىلادى?» دەپ سۇرادى.
– ۇستالدى. قازٸرگٸ ۋاقىتتا تەرگەۋ جٷرٸپ جاتىر, ولاردىڭ قالاي جازالاناتىنى تەرگەۋ اياقتالىپ, سوت ٷكٸمٸ شىققاندا انىقتالادى. كەشە بٸزگە پوليتسەيلەردٸ ۇرىپ-سوققاندار تۋرالى دا سۇراق قويىلدى. ولار دا ۇستالدى. ۇستالعاندارعا قاتىستى قىلمىستىق ٸس قوزعالدى. تەرگەۋ جٷرٸپ جاتىر, – دەپ جاۋاپ بەردٸ ساپارباەۆ.
قورداي اۋدانىنداعى تەرتٸپسٸزدٸكتەر بويىنشا 25 قىلمىستىق ٸس قوزعالدى
بۇعان دەيٸن ازامات ەرعالي ەسٸمدٸ Facebook قولدانۋشىسى الماتىداعى №7 قالالىق كلينيكالىق اۋرۋحانادا جاتقان زەينەتكەردٸڭ جاعدايىن سۇراعان. ٶز كەزەگٸندە قارييا قازاقستاندىقتاردان ٶشٸكپەۋدٸ سۇراعان بولاتىن.
– اتامىز ساۋ, جاعدايى مەز ەمەس. بٸراز سوققى جەگەن. وپەراتسيياعا دايىندالىپ جاتقان اتانىڭ جاعدايى قيىن بولعانىمەن, بٸزدٸڭ تٶلەگەن اتا حالىقتان ٶشٸكپەۋدٸ سۇرادى. بەيبٸتشٸلٸك بولسا دەيدٸ. ەشقانداي ٶش الۋدىڭ كەرەگٸ جوعىن, حالىق زارداپ شەگەتٸن سالداردىڭ قاجەتٸ جوق ەكەنٸن ايتتى. بٸزدٸڭ اتالارىمىزدىڭ جومارتتىعى بۇل. سولارعا قۇلاق اسايىق, – دەگەن ەدٸ قارتپەن كەزدەسۋدٸ ۆيدەوعا تٷسٸرگەن ازامات ەرعالي.
قوردايداعى قاقتىعىستا زارداپ شەككەن اقساقال جاعدايىن ايتتى
ەسكە سالايىق, 7 اقپاندا جامبىل وبلىسى قورداي اۋدانى ماسانچي اۋىلىندا تۇرعىندار اراسىندا جاپپاي تٶبەلەس بولدى.
جاپپاي تٶبەلەسكە 300-گە جۋىق ادام قاتىسقان. اۋقاتتى اۋىلى جەنە بۇلان باتىر اۋىلدارىندا جانجال شىقتى. بۇزاقىلار مەتالل زاتتارىن, اتىس قارۋىن قولدانعان.
مەديتسينالىق مەكەمەلەرگە 137 ادام كٶمەك سۇراپ كەلدٸ. ەكٸ پوليتسەي زارداپ شەككەن. 30-عا جۋىق ٷي, 15 ساۋدا ورتالىعى قيراعان, 23 كٶلٸك ٶرتەنگەن.
