Bul týraly Premer-ministrdiń orynbasary Berdibek Saparbaev baspasóz máslihatynda aitty. Odan jýrnalister «Qariianyń eki balasyn uryp-soqqandar týraly aqparat boldy, olar ustaldy ma? Qandai jazaǵa tartylady?» dep surady.
– Ustaldy. Qazirgi ýaqytta tergeý júrip jatyr, olardyń qalai jazalanatyny tergeý aiaqtalyp, sot úkimi shyqqanda anyqtalady. Keshe bizge politseilerdi uryp-soqqandar týraly da suraq qoiyldy. Olar da ustaldy. Ustalǵandarǵa qatysty qylmystyq is qozǵaldy. Tergeý júrip jatyr, – dep jaýap berdi Saparbaev.
Qordai aýdanyndaǵy tártipsizdikter boiynsha 25 qylmystyq is qozǵaldy
Buǵan deiin Azamat Erǵali esimdi Facebook qoldanýshysy Almatydaǵy №7 qalalyq klinikalyq aýrýhanada jatqan zeinetkerdiń jaǵdaiyn suraǵan. Óz kezeginde qariia qazaqstandyqtardan óshikpeýdi suraǵan bolatyn.
– Atamyz saý, jaǵdaiy máz emes. Biraz soqqy jegen. Operatsiiaǵa daiyndalyp jatqan atanyń jaǵdaiy qiyn bolǵanymen, bizdiń Tólegen ata halyqtan óshikpeýdi surady. Beibitshilik bolsa deidi. Eshqandai ósh alýdyń keregi joǵyn, halyq zardap shegetin saldardyń qajeti joq ekenin aitty. Bizdiń atalarymyzdyń jomarttyǵy bul. Solarǵa qulaq asaiyq, – degen edi qartpen kezdesýdi videoǵa túsirgen Azamat Erǵali.
Qordaidaǵy qaqtyǵysta zardap shekken aqsaqal jaǵdaiyn aitty
Eske salaiyq, 7 aqpanda Jambyl oblysy Qordai aýdany Masanchi aýylynda turǵyndar arasynda jappai tóbeles boldy.
Jappai tóbeleske 300-ge jýyq adam qatysqan. Aýqatty aýyly jáne Bulan Batyr aýyldarynda janjal shyqty. Buzaqylar metall zattaryn, atys qarýyn qoldanǵan.
Meditsinalyq mekemelerge 137 adam kómek surap keldi. Eki politsei zardap shekken. 30-ǵa jýyq úi, 15 saýda ortalyǵy qiraǵan, 23 kólik órtengen.
