وسى ورايدا، Freedom Finance كومپانياسىنىڭ مەملەكەتتىك تىلدەگى كونتەنتتى كوبەيتۋ ءۇشىن اۋقىمدى جۇمىستار اتقارۋدا.
ەڭ الدىمەن، كومپانيا ءوزىنىڭ كورپوراتيۆتى سايتىن قازاقشالاۋدان باستادى. پورتالدا قور نارىعى تۋرالى سوڭعى جاڭالىقتاردى وقۋعا بولادى. مۇندا بروكەرلىك قىزمەت تۋرالى جان-جاقتى ماعلۇمات بەرىلەدى. كومپانيانىڭ ونىمدەرى مەن قارجىلىق قۇرالدارىنىڭ ءبارى قازاقشاعا اۋدارىلعان.
سونداي-اق، كومپانيا قور نارىعىنا ەندى اياق باسقان ينۆەستورلار ءۇشىن ارنايى كۋرس اشتى. Freedom Finance اكادەمياسىنىڭ شەڭبەرىندە باعالى قاعازدارعا ينۆەستيسيا جاساۋدى ۇيرەتەتىن «ينۆەستيسيالاۋ ونەرى» اتتى كۋرس بار. بۇل ساباقتارعا جەكە قارجىسىن باسقارۋ تۋرالى قاراپايىم ءبىلىمى بار جانە اقشانى ۇيدە نەمەسە دەپوزيتتە ۇستاۋدىڭ ءتيىمسىز ەكەنىن بىلەتىن جاندار قاتىسادى. ۆەبيناردىڭ بارىسىندا اقشانى ءتيىمدى ينۆەستيسيالاۋدۆڭ جولدارىن ۇيرەنۋگە بولادى.
ماستەر-كلاسسقا قاتىسقانداردىڭ جارتىسىنان كوبى قور نارىعى تۋرالى ءبىلىم الۋدى اكادەميانىڭ باسقا كۋرستارىندا جالعاستىرادى.
«ناقتى مىسالداردىڭ نەگىزىندە قور نارىعى تۋرالى ايتىپ بەرەمىز جانە سىزگە اقشا سالۋدىڭ ءتيىمدى جولدارىن كورسەتەمىز. قاتىسۋشىلار ۆەبينار كەزىندە نەمەسە ودان كەيىن ءسىز بروكەرلىك ەسەپشوت اشىپ، ينۆەستيسيا جاساۋدى باستاي الادى. اكادەميادا وقۋ كۋرستارىن جالعاستىرا وتىرىپ، كاسىپقوي مامان رەتىندە قالاي ينۆەستيسيا جاساۋدى ۇيرەنەدى»،- دەيدى Freedom Finance اكادەمياسىنىڭ وكىلدەرى.
ەڭ باستىسى، Freedom Finance-تىڭ تradernet اتتى ساۋدا الاڭى دا قازاقشا «سويلەيدى». ياعني، شوت اشىپ، باعالى قاعازداردى ساتىپ الۋ، ساتۋ سەكىلدى ينۆەستيسيالىق وپەرەسيالاردىڭ بارلىعى قازاق تىلىندە جۇرەدى.
كومپانيانىڭ كولل-ورتالىعى مەن كليەنتتەرمەن جۇمىس ىستەيتىن مەنەدجەرلەرى قازاق جانە ورىس تىلدەرىن ەركىن مەڭگەرگەن. كليەنت وزىنە ىڭعايلى ءتىلدى تاڭداپ، كەرەك ماعلۇماتتى الا الادى. الەۋمەتتىك جەلىلەرلەردەگى پاراقشالاردى قازاقشا جۇرگىزەدى. ال ساراپشىلار قازاق تىلىندە سۇحبات بەرىپ، youtube-پودكاستتارعا قاتىسادى. ساراپشىلاردىڭ ۇسىنعان ينۆەستيسيالىق يدەيالارى دا قازاق تىلىنە اۋدارىلادى. ساراپشىلاردىڭ ۇسىنعان ينۆەستيسيالىق يدەيالارى دا قازاق تىلىنە اۋدارىلادى.
وڭىرلىك جەلىلەرمەن جۇمىس بويىنشا دەپارتامەنت باسشىسى الىبەك سۇلتانوۆتىڭ ايتۋىنشا، سوڭعى كەزدەرى قازاق ءتىلدى اۋديتوريانىڭ قور نارىعىنا دەگەن قىزىعۋشىلىعى ارتىپ كەلەدى:
«قازاقستاننىڭ بارلىق وڭىرىندە ءقازاقتىلدى اۋديتوريا اراسىندا باعالى قاعازدارعا ينۆەستيسيالاۋعا سۇرانىس ارتۋدا.
مىسالى، باتىس وڭىرلەردە، سونداي-اق، شىمكەنتتە قازاق تىلىندە سويلەيتىن كليەنتتەردىڭ پايىزدىق اراقاتىناسى 70%-عا جۋىق. ءبىز قازىرگى تاڭدا قازاق تىلىندە Tradernet اتتى ساۋدا الاڭىن ۇسىنامىز. ينۆەستيسيالىق يدەيالاردى اۋدارامىز، قازاقشا كەڭەس بەرەمىز. كليەنتتەرمەن جۇمىس ىستەۋ جونىندەگى مەنەدجەرلەرىمىز ورىس جانە قازاق تىلدەرىندە بايلانىس جۇرگىزەدى. بولاشاقتا مەملەكەتتىك تىلدە كوپتەگەن وقىتۋ كۋرستارىن وتكىزۋدى جوسپارلاپ وتىرمىز”.
وسى رەتتە، حالىقتىڭ قارجىلىق ساۋاتىن كوتەرۋگە باعىتتالعان مەملەكەتتىك رەتتەۋشى ورگاننىڭ اتقارعان جۇمىسىن دا ايتا كەتۋ كەرەك. مىسالى، قارجى نارىعىن رەتتەۋ جانە دامىتۋ اگەنتتىگىنىڭ قور نارىعىنا قاتىستى اۋقىمدى Fingramota اتتى جوباسى بار.
جوبا اياسىندا قور نارىعى تۋرالى مالىمەتتەردىڭ ءبارى قازاق تىلىندە جاريالانعان.
قور نارىعى تۋرالى ءقازاقتىلدى اقپاراتتى قولجەتىمدىگى تۋرالى ينۆەستيسيا تاقىرىبىنا جازاتىن بيزنەس-جۋرناليست جانە جاڭادان باستاپ جۇرگەن ينۆەستور جانيا ابدىبەكتىڭ پىكىرىن بىلگەن ەدىك:
«مەنىڭ قور نارىعىمەن العاش رەت 2016 جىلدارى تانىسا باستادىم. ال، ينۆەستيسيالاۋدى باستاۋ ءۇشىن Freedom Finance كومپانياسىنىڭ كولل-ورتالىعىنا حابارلاسىپ، كەڭەس الدىم. كومپانيا ماعان ءبىر كونسۋلتانتتى بەكىتتى.
ونىڭ كومەگىمەن ورتالىق دەپوزيتارييدەن ەسەپشوت اشىپ، العاشقى ينۆەستيسيامدى «قازاتومونەركاسىپ» كومپانياسىنا جاسادىم. ءقازىر ءموبيلدى قوسىمشاسى ارقىلى ءوزىمنىڭ بروكەرلىك شوتىمدى قاراپ، تەكسەرىپ وتىرامىن. بۇل كومپانيانى تاڭداۋداعى سەبەپتەرىنىڭ ءبىرى – قور نارىعى تۋرالى ءوز تىلىمدە قولجەتىمدى ءارى تۇسىنىكتى اقپارات بار.
ينۆەستيسيا الەمىنە جاڭادان كەلگەندەرگە بەرەر كەڭەسىم، بىزگە قور نارىعى وتە قيىن سەكىلدى بوپ كورىنەدى. مۇنداي ستەرەوتيپتى ميدان الىپ تاستاپ، قورىقپاي، باستاپ كەتۋ كەرەك. ەگەر ءبىر ءتۇسىنىپ الساڭىز، ارى قاراي وڭايىراق بولادى. ەگەر اقشا قۇيۋعا بىردەن دايىن بولماساڭىز، باستاپقىدا دەمو-ۆەرسياسىمەن ساۋدا-ساتتىق جاساپ كورسەڭىز بولادى».
ەلىمىزدىڭ قارجى سەكتورى قازاقشا «سويلەمەيتىنىن» مويىنداۋىمىز كەرەك. سەبەبى، قازاق ءتىلى ءالى قارجى-قاراجاتتىڭ ءتىلى بوپ قالىپتاسىپ ۇلگەرمەدى. كوپ تەرميندەردىڭ بالاماسى جوق. بار بولعان كۇننىڭ وزىندە تۇسىنىكسىز جانە قارجى تۋرالى ۇعىمنىڭ تولىق ماعىناسىن بەرە المايدى.
مىسالى، «حەدجيروۆانيە» دەگەن ۇعىمنىڭ قازاقشاسى جوق. كەي ساراپشىلار «ساقتاندىرۋ» دەپ اۋدارىپ ءجۇر. الايدا، بۇل اۋدارما تەرميننىڭ ماعىناسى تولىق اشىلمايدى. مۇنداي مىسالدار كوپ. اتاپ ايتقاندا، ليستينگ، كوگىلدىر فيشكا، ەميسسيا جانە ت.ب.
قازىرگى تاڭدا ءقازاقتىلدى اۋديتوريانىڭ قارجىلىق مۇمكىندىگىن ەلەمەۋگە بولمايدى. ولاردى قور نارىعىنا تارتۋ ءۇشىن انا تىلىندەگى اقپاراتتى بارىنشا قولجەتىمدى ەتۋ كەرەك.
سوندىقتان جەكە قارجى ۇيىمدارى تاراپىنان بۇل باعىتتا بەلسەندى جۇمىستار جۇرگىزىلۋدە.
