ٸلە اۋدانى اۋماعىندا «ECOBUS QK» جشس, «Gold Terra Expedition» جشس, سونداي-اق جەكەلەگەن جەكە تۇلعالاردىڭ مەنشٸگٸندەگٸ بٸرقاتار جەر تەلٸمدەرٸندە ۇزاق ۋاقىت بويى قۇرىلىس جەنە تۇرمىستىق قالدىقتاردى زاڭسىز تاستاۋ فاكتٸلەرٸ تٸركەلٸپ كەلەدٸ, دەپ حابارلايدى dalanews.kz.
اتالعان مەسەلەگە بايلانىستى جاقىن ماڭداعى ەلدٸ مەكەن تۇرعىندارى جەرگٸلٸكتٸ اتقارۋشى ورگاندارعا بٸرنەشە رەت جٷگٸنگەن. تۇرعىندار اۋماقتىڭ سانيتارلىق جاعدايىنا جەنە ستيحييالىق قوقىس ورىندارىنىڭ قورشاعان ورتاعا كەرٸ ەسەرٸنە الاڭداۋشىلىق بٸلدٸرۋدە.
جەر تەلٸمدەرٸن تيٸستٸ سانيتارلىق جاعدايدا ۇستاۋ – مەنشٸك يەلەرٸ مەن جەر پايدالانۋشىلارىنىڭ مٸندەتٸ بولعانىنا قاراماستان, ٶتەگەن باتىر اۋىلدىق وكرۋگٸ ەكٸمدٸگٸ تاراپىنان سالدارىن جويۋ بويىنشا بٸرنەشە رەت شارالار قابىلداندى. سوڭعى ۋاقىتتا ارنايى تەحنيكانىڭ كٶمەگٸمەن اۋماقتى تازالاۋ جەنە قوقىستى شىعارۋ جۇمىستارى كەمٸندە ٷش مەرتە ۇيىمداستىرىلدى.
سونىمەن قاتار, جەر تەلٸمدەرٸنٸڭ مەنشٸك يەلەرٸنە ستيحييالىق قوقىس ورىندارىن جويۋ جەنە اۋماقتاردى جەر, ەكولوگييالىق جەنە سانيتارلىق زاڭناما تالاپتارىنا سەيكەستەندٸرۋ قاجەتتٸگٸ تۋرالى رەسمي حابارلامالار جولداندى. بۇدان بٶلەك, تيٸستٸ ماتەريالدار الماتى وبلىسىنىڭ ەكولوگييا دەپارتامەنتٸنە, الماتى وبلىسىنىڭ جەر رەسۋرستارىن باسقارۋ دەپارتامەنتٸنە, پروكۋراتۋرا جەنە پوليتسييا ورگاندارىنا تەكسەرۋ جٷرگٸزۋ جەنە ٶز قۇزىرەتٸ شەگٸندە شارالار قابىلداۋ ٷشٸن جولداندى.
قازٸرگٸ ۋاقىتتا ۋەكٸلەتتٸ مەملەكەتتٸك ورگاندارمەن بٸرلەسٸپ قوسىمشا باقىلاۋ تەتٸكتەرٸ پىسىقتالۋدا. اتاپ ايتقاندا, ستيحييالىق قوقىس ورىندارى جيٸ پايدا بولاتىن اۋماقتار مەن كٸرەبەرٸس جولدارعا بەينەباقىلاۋ قۇرالدارىن ورناتۋ مەسەلەسٸ قاراستىرىلىپ جاتىر.
الماتى وبلىسى تۇرعىن ٷي-كوممۋنالدىق شارۋاشىلىق جەنە اباتتاندىرۋ باسقارماسىنىڭ باسشىسى ديماش قوجابەكوۆتٸڭ ايتۋىنشا, نەگٸزگٸ ماقسات – تەك سالدارىن جويۋ ەمەس, ٶز جەر تەلٸمدەرٸن كٷتٸپ-ۇستاۋ بويىنشا شارا قابىلدامايتىن مەنشٸك يەلەرٸنٸڭ, سونداي-اق قالدىقتاردى زاڭسىز تٶگەتٸن تۇلعالاردىڭ جاۋاپكەرشٸلٸگٸن قامتاماسىز ەتۋ.
«بٸز بارلىق قاجەتتٸ ماتەريالداردى قۇزىرلى ورگاندارعا جولدادىق. جەر تەلٸمدەرٸنٸڭ قوقىسقا تولۋىنا جول بەرگەن تۇلعالاردى جاۋاپكەرشٸلٸككە تارتۋعا كٷش سالامىز. ەر ادام قورشاعان ورتاعا جاناشىرلىقپەن قاراپ, ەڭ الدىمەن ٶزٸنەن باستاۋى كەرەك. بۇل تۇرعىندارعا دا, جەكە ۇيىمدارعا دا قاتىستى. بٸز وسى مەسەلەنٸ «تازا قازاقستان» باعدارلاماسى اياسىندا تۇراقتى تٷردە كٶتەرٸپ كەلەمٸز», – دەدٸ ديماش قوجابەكوۆ.
ەربٸر انىقتالعان قۇقىق بۇزۋشىلىق فاكتٸسٸنە قۇقىقتىق باعا بەرٸلەدٸ. تەكسەرۋ قورىتىندىسى بويىنشا كٸنەلٸ تۇلعالارعا زاڭنامادا كٶزدەلگەن جاۋاپكەرشٸلٸك شارالارى قولدانىلادى.
