وڭىردە سانيتارلىق جاعداي جانە ەلدى مەكەندەردەگى قاتتى تۇرمىستىق قالدىقتاردى ۋاقىتىندا شىعارۋ وزەكتى ماسەلەلەردىڭ ءبىرى. ماڭعىستاۋدىڭ تاريحي-مادەني جانە تابيعاتى كورىكتى جەرلەرىن تۋريستەر دە، تۇرعىندار دا تاماق قالدىقتارىمەن لاستاۋدا.
سوڭعى ۋاقىتتارى اقتاۋ قالاسى تۇرعىندارى تاراپىنان قوقىستىڭ دەر كەزىندە جينالماۋىنا قاتىستى شاعىمدار كوپتەپ تۇسەتىن بولعان.
تۇرمىستىق قالدىقتاردىڭ ۋاقىتىندا شىعارىلماۋى قالاعا جاقىن ماڭدا ورنالاسقان مۇنايلى اۋدانى جانە ءتۇپقاراعان اۋدانىنا قاراستى اقشۇقىر اۋىلىنىڭ تۇرعىندارىن دا الاڭداتىپ وتىر.
– ەلدىمەكەندەردىڭ سانيتارلىق جاعدايى الاڭداتارلىق ماسەلە. اقتاۋ قالاسىنىڭ لاستانۋىنا جول بەرۋگە بولمايدى. Tەلەگرام چاتقا تۇسەتىن شاعىمداردىڭ كوپشىلىگى قوقىس جيناۋ جانە شىعارۋ ماسەلەسىمەن بايلانىستى. قالدىقتاردى ۋاقتىلى جيناماۋ قالانىڭ كوركى مەن تۇرعىنداردىڭ دەنساۋلىعىنا كەرى اسەرىن تيگىزەدى. بۇل قالا اكىمى جۇمىسىنىڭ دۇرىس ۇيىمداستىرىلماۋىنىڭ ناتيجەسى، – دەپ اتاپ ءوتتى نۇرلان نوعايەۆ.
جۇمىستى دۇرىس ۇيىمداستىرماعانى ءۇشىن ايماق باسشىسى اقتاۋ قالاسىنىڭ اكىمىنە، ونىڭ ورىنباسارىنا جانە تۇكش ءبولىمىنىڭ باسشىسىنا سوگىس جاريالادى.
