Óńirde sanitarlyq jaǵdai jáne eldi mekenderdegi qatty turmystyq qaldyqtardy ýaqytynda shyǵarý ózekti máselelerdiń biri. Mańǵystaýdyń tarihi-mádeni jáne tabiǵaty kórikti jerlerin týrister de, turǵyndar da tamaq qaldyqtarymen lastaýda.
Sońǵy ýaqyttary Aqtaý qalasy turǵyndary tarapynan qoqystyń der kezinde jinalmaýyna qatysty shaǵymdar kóptep túsetin bolǵan.
Turmystyq qaldyqtardyń ýaqytynda shyǵarylmaýy qalaǵa jaqyn mańda ornalasqan Munaily aýdany jáne Túpqaraǵan aýdanyna qarasty Aqshuqyr aýylynyń turǵyndaryn da alańdatyp otyr.
– Eldimekenderdiń sanitarlyq jaǵdaiy alańdatarlyq másele. Aqtaý qalasynyń lastanýyna jol berýge bolmaidy. Telegram chatqa túsetin shaǵymdardyń kópshiligi qoqys jinaý jáne shyǵarý máselesimen bailanysty. Qaldyqtardy ýaqtyly jinamaý qalanyń kórki men turǵyndardyń densaýlyǵyna keri áserin tigizedi. Bul qala ákimi jumysynyń durys uiymdastyrylmaýynyń nátijesi, – dep atap ótti Nurlan Noǵaev.
Jumysty durys uiymdastyrmaǵany úshin aimaq basshysy Aqtaý qalasynyń ákimine, onyń orynbasaryna jáne TÚKSh bóliminiń basshysyna sógis jariialady.
