بٷگٸن قوناەۆ قالاسىنىڭ ەكٸمٸ اسحات بەردٸحانوۆ جاڭا جاعاجايدى قولدانىسقا بەرۋ رەسٸمٸنە قاتىستى.
«العا قويىلعان ماڭىزدى باعىتتىڭ بٸرٸ – تۋريزم سالاسىن دامىتۋ. بٷگٸنگٸ تاڭدا قوناەۆتا 140 دەمالىس نىسانى قىزمەت ەتۋدە. 2023 جىلى شومىلۋ ماۋسىمىندا 1,2 ملن. تۋريستەر كەلسە, بيىل 1,3 ملن. دەمالۋشىعا قىزمەت كٶرسەتۋ جوسپارلانىپ وتىر.
قالادا تۋريزمدٸ دامىتۋ ماقساتىندا بيۋدجەت تاراپىنان دا, جەكە ينۆەستورلار تاراپىنان دا تيٸستٸ جۇمىستار جٷرگٸزٸلۋدە.
بٷگٸندە 5-قالالىق جاعاجاي اباتتاندىرىلىپ, قالا تۇرعىندارى مەن قوناقتارىنا قولدانىسقا بەرٸلٸپ وتىر. قۋانىشتى كٷنمەن بارشاڭىزدى شىن جٷرەكتەن قۇتتىقتايمىن!» – دەدٸ اسحات بەردٸحانوۆ.
جاعاجايعا كٸرۋ قۇنى – بٸر كٶلٸككە 1000 تەڭگە. نىسان بيۋدجەت قارجىسىنا سالىنعان.
اتالعان جاعاجايدىڭ جالپى اۋماعى 2,7 گەكتاردى قۇرايدى. مۇندا فۋتبول, ۆوللەيبول, ۆوركاۋت, بالالار ويىن الاڭدارى, ٷستەل تەننيسٸ ورناتىلعان. سۋعا تٷسۋ ورنى مەن دەرەتحانا, شاتىرلار, پيرس, جاسىل ايماق, بيزنەس وبەكتٸلەرٸ, بالالار باسسەينٸ, اۆتوتۇراق تا بار.
بۇدان بٶلەك, قالاداعى №6 جەنە №7 جاعاجايلاردى اباتتاندىرۋ كٶزدەلۋدە. ال №8 جاعاجاي ينۆەستورلار قارجىسىنا سالىنىپ, اتتراكتسيوندار پاركٸنە اينالماق.
