باعدارلامانىڭ باستى ماقساتى رەتىندە COVID-19 پاندەمياسىنىڭ جاعىمسىز سالدارىن ازايتۋ جانە وتكىر الەۋمەتتىك ماسەلەلەرگە ءتيىمدى جاۋاپ بەرۋ جونىندەگى ازاماتتىق باستامالاردى قولداۋ بولدى.
2021 جىلدىڭ تامىز بەن جەلتوقسان ايلارى ارالىعىندا 16 وڭىرلىك ۇەۇ قازاقستاننىڭ 14 وڭىرىندە 16 423 بەنەفيسيارعا جان-جاقتى كومەك كورسەتتى.
"Qolda 3.0" باعدارلاماسى الەۋمەتتىك ساناتتاردىڭ ءومىر ءسۇرۋ ساپاسىن جاقسارتۋ جانە ينكليۋزيۆتى بولاشاق قۇرۋ بويىنشا جاڭا يدەيالارى بار قوعام بەلسەندىلەرىن بىرىكتىردى.
تۇركىستان وبلىسىندا وتباسىلىق-تۇرمىستىق زورلىق-زومبىلىقتىڭ الدىن الۋ بويىنشا 14 اقپاراتتىق ناۋقان وتكىزىلدى.
326 اۋىل ايەلى مەن قىزى قۇقىقتىق ساۋاتتىلىعىن ارتتىرىپ، ءوز قۇقىقتارىن قورعاۋ تەتىكتەرى تۋرالى بىلە الدى، 314 ايەل مەن قىز قۇقىقتىق جانە پسيحولوگيالىق كومەك الدى، 106 اگرەسسور ەر ادام تۇرمىستىق زورلىق-زومبىلىقتىڭ الدىن الۋ بويىنشا پسيحولوگيالىق وڭالتۋ باعدارلاماسى اياسىندا كومەك الدى. الماتى وبلىسىندا سۋيسيدكە بەيىم 444 وقۋشى پسيحوتەراپيالىق سەسسيادان ءوتتى.
وسكەمەن قالاسىندا ەستۋ قابىلەتى بۇزىلعان ادامداردى اقپاراتتىق، كونسۋلتاسيالىق، پسيحولوگيالىق كومەكپەن قامتاماسىز ەتۋ ءۇشىن داعدارىس ورتالىعىنىڭ كەڭسەسى اشىلدى. ماماندار ىم تىلىندە 122 پسيحولوگيالىق كەڭەس وتكىزدى.
سەمەي قالاسىندا 2300-دەن استام بالا قالالىق ەكواكسيالار مەن ەكولوگيالىق مەكتەپ ءىس-شارالارىنا قاتىستى.
قاراعاندى وبلىسىندا 70 ەكوترەنەر مەن ەكوۆولونتەر جاستارعا ەكولوگيالىق ءبىلىم بەرۋ بويىنشا وقىتۋدان ءوتتى. 1000-نان استام كوللەدج ستۋدەنتى جاسىل ءومىر سالتىن ناسيحاتتاۋ بويىنشا سەنبىلىك، ەكواكسيا، ەكومارافون، بايقاۋلار سياقتى ءىس-شارالارعا قاتىستى.
سولتۇستىك قازاقستان وبلىسىندا اۋىل تۇرعىندارى سيفرلىق ساۋاتتىلىق بويىنشا 1110 كەڭەس الدى.
پاۆلودار وبلىسىندا قوعامدىق نىسانداردىڭ مۇگەدەكدىگى بار ادامدار مەن تۇرعىنداردىڭ قوزعالىسى شەكتەۋلى توپتارى ءۇشىن قولجەتىمدىلىك دەڭگەيىن باعالاۋ جانە ودان ءارى بەيىمدەۋ تەتىگى ازىرلەندى.
ايتۆ جانە تۋبەركۋلەزبەن اۋىراتىن ادامداردىڭ قۇقىقتارىن ناسيحاتتايتىن ۇەۇ رەسپۋبليكانىڭ 5 وبلىسىن بىرىكتىرگەن ق ر پاسيەنتتەر وداعىن قۇردى. بارلىق جوبالاردى جۇزەگە اسىرۋ ءۇشىن مەملەكەتتىك ورگانداردان 78 ارىپتەس جانە 45 سەرىكتەس ۇيىم كومەكتەستى.
“QOLDA باعدارلاماسى كەڭەيىپ كەلە جاتقانىنا وتە قۋانىشتىمىز جانە بۇل جولى ءبىز ءارتۇرلى باعىتتاعى جوبالاردى قولداي الدىق. ءبىز ءۇشىن ەكو-بىلىم بەرۋ، سيفرلىق ساۋاتتىلىققا، تىگۋ داعدىلارىنا وقىتۋ جانە جۇمىس ورىندارىن قۇرۋ جونىندەگى جوبالار، ءارى زاڭ شىعارۋشىلىق جوبالار جاڭا جوبالار بولدى. بۇدان بولەك، باعدارلاما وڭىرلىك ۇيىمدارعا قولداۋ كورسەتۋگە، ولارعا وزدەرىنىڭ بىرەگەي يدەيالارىن ىسكە اسىرۋعا مۇمكىندىك بەرۋگە جانە بەنەفيسيارلاردى بارىنشا قامتۋ ءۇشىن اۋىلدىق اۋداندارعا بارۋعا تىرىسادى”، – اليا يسپايەۆا، ورتالىق ازيانىڭ ەۋرازيا قورىنىڭ “Qolda” باعدارلاماسىنىڭ مەنەدجەرى.
“شيەۆرون” كومپانياسىنىڭ قولداۋىمەن ورتالىق ازيانىڭ ەۋرازيا قورى جۇزەگە اسىرىپ وتىرعان “Qolda” جەدەل كومەك باعدارلاماسى رەسپۋبليكامىزداعى COVID-19 پاندەمياسىنىڭ جاعىمسىز سالدارىن بارىنشا ازايتۋعا كومەكتەسىپ قانا قويماي، سونىمەن قاتار ازاماتتىق قوعامنىڭ دامۋىنا جاڭا سەرپىن بەرىپ، قوعامدىق ۇيىمداردىڭ زاماناۋي قوعامنىڭ ماسەلەلەرىن شەشۋگە ءوز ۇلەسىن قوسا الاتىندىعىن كورسەتتى. باعدارلاما مىڭداعان وتانداستارىمىزعا جۇيەلى گۋمانيتارلىق، قۇقىقتىق، پسيحولوگيالىق كومەك كورسەتۋ بويىنشا وراسان زور جۇمىس جۇرگىزەتىن امبەباپ الاڭعا اينالدى جانە “كۇشىمىز بىرلىكتە!” پوستۋلاتىن تاعى دا ءبىر مارتە راستادى”، – جانار كوشپانوۆا، “شيەۆرون” كومپانياسىنىڭ وكىلى.
“Qolda” باعدارلاماسى ءوز جۇمىسىن جالعاستىرىپ جاتىر. اقپان ايىندا بۇل باعدارلامانىڭ كەلەسى كەزەڭى جاريالانادى. بارلىق مالىمەت رەسمي سايتتا جاريالانادى: http://qolda.org/.
