يۋتۋبتە «قوجالى گەنوسيدى» دەگەن روليك بار. ەگەر جۇرەكتەرىڭىز شىداسا،  قاراۋعا بولادى. مەن بۇل قىرعىن تۋرالى بۇرىن ەستىگەنمىن... ءبىراق ول ءدال مىناداي بولدى دەپ ويلاماپپىن...

1992  جىلى قىستىڭ كوزى قىراۋدا اقپان ايى ءازىربايجاننىڭ قوجالى اتتى شاعىن قالاسىنا ارميان ساربازدارى باسىپ كىرىپ، قاندى قاساپ جاسايدى. ارميان ساربازدارىنا 7 مىڭ تۇرعىنى بار قوجالىنىڭ اۋەجايى كەرەك بولعان-مىس..

بۇلاردى ساربازدار دەپ ايتۋ كۇپىرلىك، ولاردى حايۋاندار دەسە بولادى. بەيبىت تۇرعىنداردى قويشا قىرعان. 600-دەن اسا ادام اۋىر ازاپپەن ولگەن. ىشىندە بالا-شاعا ءبارى كەتكەن...

ءتىرى قالعاندارى ماڭگىلىك شوك الىپ ءومىر بويى ازاپ شەگىپ كەلەدى.

ءتىرى قالعاندارىنىڭ پسيحيكالىق اۋىتقۋشىلىققا ۇشىراپ... اسىلىپ ولگەن.

حايۋاندار بالا-شاعا دەپ قاراماي قىرا بەرگەن. اكە-شەشەسىن بالالارىنىڭ كوزىنشە ازاپتاعان.

تۇرعىندار وقتان قاشىپ جەرتولەگە تىعىلسا انا مالعۇندار جەرتولەگە گراناتا لاقتىرعان. اراقتارىن ءىشىپ الىپ، بەيبىت تۇرعىندارعا ويلارىنا كەلگەنىن ىستەگەن دەسەدى.

ءتىرى قالعان قوجالى تۇرعىندارى دىمكاس، جارىمجان بولىپ قالىپتى.

تىپ-تىنىش جاتقان قالاشىقتىڭ شاڭىراعى وسىلاي ورتاسىنا تۇسكەن.

ءازىربايجان حالقى جالپى مومىن، جۋاس حالىق قوي، ولارعا سول ءتۇنى قۇداي تاعى ءبىر اۋىر سىناق بەردى.

دالادا 20 عاسىر، ال مىنالار تاس داۋىرىندەگى حايۋانداردىڭ ءىسىن ىستەپتى.  بۇل روليكتى قاراپ وتىرىپ جۇرەگىم اۋىردى. وتە اۋىر فيلم.

ول ول ما، سول كەزدە وسى قىرعىندى باسقارعان سەرج سارگسيان دەگەن ارمەن كومانديرى كەيىن ارمەنيادا پرەزيدەنت بولدى.

كەشە ءبىر ءازىربايجان قاريا 27 جىل وتكەن سوڭ بۇگىندە ءازىربايجان اسكەرى ازات ەتكەن قوجالىعا ورالىپتى. بايعۇس شال اتاسىنىڭ باسىنا ورناتىلعان زيراتتى كورىپ تولقىپ كوزىنە جاس الدى...

ءازىربايجان ايبىندى اسكەرىنىڭ سوڭعى كەزدە   تاۋلى قاراباقتى ازات ەتىپ جاتقان قادامىنا ءتانتىمىن!

ولجاس ءابىل، جۋرناليست.