كونستيتۋتسييا – كەز كەلگەن مەملەكەتتٸڭ ساياسي-قۇقىقتىق تۇعىرى, قوعامدىق كەلٸسٸمنٸڭ باستى كەپٸلٸ. سوندىقتان جاڭا اتا زاڭ جوباسىنىڭ ۇسىنىلۋى – جاي عانا زاڭنامالىق ٶزگەرٸس ەمەس, ەل دامۋىنىڭ باعىتىن ايقىندايتىن تاريحي كەزەڭ. وسىلاي دەگەن استانا قالاسى زاڭ كونسۋلتاتتار پالاتاسىنىڭ زاڭ كونسۋلتانتى نۇرسۇلتان بايمەنوۆ ەلٸمٸزدە جٷرٸپ جاتقان كونستيتۋتسييالىق رەفورمالارعا قاتىستى ٶز ويىن تارقاتتى, دەپ حابارلايدى Dalanews.kz.
ونىڭ ايتۋىنشا, بۇل قۇجاتتىڭ مازمۇنى مەن رۋحى قوعامنىڭ بولاشاقتاعى بەت-بەينەسٸن قالىپتاستىرادى.
«جاڭا جوبا ەڭ الدىمەن قۇقىق ٷستەمدٸگٸن قامتاماسىز ەتۋگە باعىتتالۋعا تيٸس. زاڭ بەرٸنە بٸردەي قىزمەت ەتكەندە عانا مەملەكەت ەدٸلەتتٸ بولا الادى. كونستيتۋتسييالىق نورمالاردىڭ ناقتى ەرٸ تٷسٸنٸكتٸ جازىلۋى – ولاردىڭ تيٸمدٸ ورىندالۋىنىڭ باستى شارتى. ەكٸۇشتى تۇجىرىمدار قۇقىق قولدانۋ تەجٸريبەسٸندە قايشىلىقتار تۋعىزۋى مٷمكٸن. سوندىقتان ەربٸر باپ ايقىن ەرٸ ناقتى بولۋى قاجەت», - دەدٸ ول.
ٶز ويىن بيلٸك تارماقتارىنىڭ تەپە-تەڭدٸگٸ تۋرالى جالعاعان زاڭگەر دەموكراتييالىق مەملەكەتتە زاڭ شىعارۋشى, اتقارۋشى جەنە سوت بيلٸگٸنٸڭ اراسىنداعى تەڭدٸك – تۇراقتىلىقتىڭ نەگٸزٸ ەكەنٸن ەسكە سالدى.
«ەگەر جاڭا كونستيتۋتسييا جوباسى بيلٸك تارماقتارىنىڭ ٶزارا باقىلاۋى مەن تەڭگەرٸمٸن كٷشەيتسە, بۇل ساياسي جٷيەنٸڭ ساپاسىن ارتتىرادى. پارلامەنتتٸڭ رٶلٸن نىعايتۋ, سوت تەۋەلسٸزدٸگٸن ناقتى كەپٸلدەندٸرۋ – قۇقىقتىق مەملەكەتتٸڭ باستى بەلگٸلەرٸ», - دەدٸ نۇرسۇلتان بايمەنوۆ.
سونداي-اق ول ادام قۇقىقتارى مەن بوستاندىقتارىنىڭ كەڭٸنەن ەرٸ ناقتى بەكٸتٸلۋٸ – زاماناۋي قوعامنىڭ تالابى ەكەنٸن جەتكٸزدٸ.
«ەلەۋمەتتٸك كەپٸلدٸكتەر قاعاز جٷزٸندە ەمەس, ناقتى ٸسكە اساتىن تەتٸكتەرمەن قامتاماسىز ەتٸلۋٸ كەرەك. ەسٸرەسە ەڭبەك, بٸلٸم, دەنساۋلىق ساقتاۋ سالالارىنداعى قۇقىقتار ناقتى ورىندالۋ تەتٸكتەرٸمەن بەكٸتٸلگەنٸ جٶن», - دەدٸ ساراپشى.
نۇرسۇلتان بايمەنوۆ مەملەكەتتٸك تٸل مەن قوعامدىق تالقىلاۋدىڭ ماڭىزىنا دا توقتالا كەلە, كونستيتۋتسييا – ۇلتتىق بٸرەگەيلٸكتٸڭ ايناسى ەكەنٸن اتاپ ٶتتٸ.
«مەملەكەتتٸك تٸلدٸڭ مەرتەبەسٸ تەك دەكلاراتيۆتٸ سيپاتتا قالماي, ناقتى قوعامدىق قاتىناستاردا تولىق قولدانىلۋىن قامتاماسىز ەتۋگە تيٸس. تٸل – تەك قاتىناس قۇرالى ەمەس, مەملەكەتشٸلدٸكتٸڭ تٸرەگٸ. ال كونستيتۋتسييا حالىقتىڭ كەلٸسٸمٸمەن قابىلدانۋى كەرەك. اشىق پٸكٸرتالاس, ساراپشىلار مەن ازاماتتىق قوعام ٶكٸلدەرٸنٸڭ ۇسىنىستارى – قۇجاتتىڭ ساپاسىن ارتتىرادى. ەربٸر ازامات ٶز پٸكٸرٸن بٸلدٸرۋگە قۇقىلى ەرٸ جاۋاپتى», دەپ ويىن تٷيٸندەدٸ مامان.
