جۋرناليست ەرٸ قوعام بەلسەندٸسٸ لەززات اسانوۆا تٷركٸستان وبلىسى شاردارا اۋدانى كٶكسۋ اۋىلىندا بيۋدجەت قارجىسىنا سالىنعان ەكٸ نىساننىڭ قازٸرگٸ جاي-كٷيٸن سىنعا الدى, دەپ حابارلايدى dalanews.kz.
ونىڭ ايتۋىنشا, اۋىلداعى ورتالىق ساياباق پەن سپورت الاڭىنا بيۋدجەتتەن جالپى 43 ميلليون تەڭگەدەن استام قارجى بٶلٸنگەن. ونىڭ ٸشٸندە ورتالىق ساياباققا – 19 ميلليون تەڭگە, ال سپورت الاڭىنا – 24 ميلليون تەڭگە جۇمسالعان.
"جوبا بويىنشا ساياباقتا ساحنا, التىباقان, كيٸز ٷيلەر مەن دەمالىس ايماعى بولۋى تيٸس بولعان. الايدا بٷگٸندە كيٸز ٷيلەر جوق, التىباقان تولىق اياقتالماعان, ال ساياباقتىڭ ٶزٸ قاراۋسىز قالعانداي ەسەر قالدىرادى", - دەدٸ ول.
2024 جىلى پايدالانۋعا بەرٸلگەن سپورت الاڭىنىڭ دا قازٸرگٸ جاي-كٷيٸ كٶڭٸل كٶنشٸتپەيدٸ. بەلسەندٸنٸڭ سٶزٸنشە, ارادا كٶپ ۋاقىت ٶتپەي جاتىپ سپورت قۇرىلعىلارى توزىپ, تۋرنيك پەن برۋسيالار ەسكٸرە باستاعان.
"ەڭ باستى سۇراق – بۇل نىسانداردى قابىلداپ العان كوميسسييا قايدا قارادى? حالىقتىڭ اقشاسىنا سالىنعان نىساندار وسىنداي جاعدايدا بولسا, وعان تەك مەردٸگەر عانا ەمەس, قابىلداۋ اكتٸلەرٸنە قول قويعان جاۋاپتى تۇلعالار دا جاۋاپ بەرۋٸ تيٸس", - دەدٸ لەززات اسانوۆا.
سونداي-اق ول قۇزىرلى ورگانداردى اتالعان جوبالاردى جان-جاقتى تەكسەرۋگە شاقىردى.
"مەملەكەتتٸك اۋديت, پروكۋراتۋرا جەنە سىبايلاس جەمقورلىققا قارسى قىزمەت بۇل جوبالاردى تولىق تەكسەرٸپ, بٶلٸنگەن قارجىنىڭ ەر تەڭگەسٸنە قۇقىقتىق باعا بەرۋٸ قاجەت. حالىقتىڭ اقشاسى - حالىقتىڭ اماناتى. ونىڭ ەر تەڭگەسٸ ٷشٸن جاۋاپكەرشٸلٸك بولۋى كەرەك", - دەپ مەلٸمدەدٸ قوعام بەلسەندٸسٸ.
