قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ولجاس قيزاتوۆتىڭ "ميكروقارجىلاندىرۋ جانە دامۋ" ءوزىن-وزى رەتتەۋ ۇيىمى كەڭەسىنىڭ ءتوراعاسى ەلمان مەحتييەۆپەن رەسەي فەدەراسياسىنىڭ قارجى نارىعىندا ءوزىن-وزى رەتتەۋدى ەنگىزۋدىڭ وڭ تاجىريبەسىن تالقىلاۋ بويىنشا كەزدەسۋى ءوتتى، دەپ جازادى Dalanews.kz.
سونىمەن بىرگە كەزدەسۋگە ميكرو قارجى ۇيىمدارى مەن كوللەكتورلىق اگەنتتىكتەر قاۋىمداستىقتارىنىڭ باسشىلارى قاتىستى.
"كەزدەسۋ بارىسىندا ءوزىن-وزى رەتتەيتىن ۇيىمداردى (ءورۇ) قۇرۋ جانە ولاردىڭ جۇمىس ىستەۋى، ءورۇ-نىڭ قارجى رەتتەۋشىسىمەن ءوزارا ءىس-قيمىلى، تۇتىنۋشىلاردىڭ قۇقىقتارى مەن مۇددەلەرىن قورعاۋ ماسەلەلەرى، سونداي-اق رەسەي فەدەراسياسىنىڭ قارجى نارىعىندا ءوزىن-وزى رەتتەۋ ينستيتۋتىن ەنگىزۋدىڭ ۇزدىك پراكتيكالارى تالقىلاندى. قازىرگى ۋاقىتتا اگەنتتىك ميكروقارجىلاندىرۋ جانە كوللەكتورلىق قىزمەتتەر نارىعىندا ءوزىن-وزى رەتتەۋدى ەنگىزۋ بويىنشا جۇمىس جۇرگىزۋدە. بۇل باستاما نارىق سۋبەكتىلەرىنىڭ ءوزىن-وزى رەتتەۋىن، سىرتقى جانە ىشكى فاكتورلارعا يكەمدىلىگى مەن بەيىمدەلۋىن ارتتىرۋ ارقىلى ولاردىڭ باسەكەگە قابىلەتتىلىك دەڭگەيىن ارتتىرۋعا باعىتتالعان"، دەلىنگەن رەسمي حابارلامادا.
تاجىريبە الماسۋ ىنتىماقتاستىقتى نىعايتۋدا جانە قازاقستاننىڭ قارجى نارىعىندا ءوزىن-وزى رەتتەۋدى ەنگىزۋدىڭ تابىستى تاسىلدەرىن قولدانۋدا ماڭىزدى قادام بولماق.
"ميكروقارجىلاندىرۋ جانە دامۋ" ءوزىن-وزى رەتتەۋ ۇيىمى - رەسەي فەدەراسياسىنىڭ ميكروقارجى نارىعىنداعى 313 قاتىسۋشىنى بىرىكتىرەتىن اسا ءىرى ۇيىم، ولاردىڭ ۇلەسىنە نارىقتىڭ جيىنتىق نەسيە پورتفەلىنىڭ 80%-دان استامى تيەسىلى.
