Qarjy naryǵyn retteý jáne damytý agenttigi tóraǵasynyń orynbasary Oljas Qizatovtyń "Mikroqarjylandyrý jáne damý" ózin-ózi retteý uiymy keńesiniń tóraǵasy Elman Mehtievpen Resei Federatsiiasynyń qarjy naryǵynda ózin-ózi retteýdi engizýdiń oń tájiribesin talqylaý boiynsha kezdesýi ótti, dep jazady Dalanews.kz.
Sonymen birge kezdesýge mikro qarjy uiymdary men kollektorlyq agenttikter qaýymdastyqtarynyń basshylary qatysty.
"Kezdesý barysynda ózin-ózi retteitin uiymdardy (ÓRU) qurý jáne olardyń jumys isteýi, ÓRU-nyń qarjy retteýshisimen ózara is-qimyly, tutynýshylardyń quqyqtary men múddelerin qorǵaý máseleleri, sondai-aq Resei Federatsiiasynyń qarjy naryǵynda ózin-ózi retteý institýtyn engizýdiń úzdik praktikalary talqylandy. Qazirgi ýaqytta agenttik mikroqarjylandyrý jáne kollektorlyq qyzmetter naryǵynda ózin-ózi retteýdi engizý boiynsha jumys júrgizýde. Bul bastama naryq sýbektileriniń ózin-ózi retteýin, syrtqy jáne ishki faktorlarǵa ikemdiligi men beiimdelýin arttyrý arqyly olardyń básekege qabilettilik deńgeiin arttyrýǵa baǵyttalǵan", delingen resmi habarlamada.
Tájiribe almasý yntymaqtastyqty nyǵaitýda jáne Qazaqstannyń qarjy naryǵynda ózin-ózi retteýdi engizýdiń tabysty tásilderin qoldanýda mańyzdy qadam bolmaq.
"Mikroqarjylandyrý jáne damý" ózin-ózi retteý uiymy - Resei Federatsiiasynyń mikroqarjy naryǵyndaǵy 313 qatysýshyny biriktiretin asa iri uiym, olardyń úlesine naryqtyń jiyntyq nesie portfeliniń 80%-dan astamy tiesili.
